«Gallup»-ի վերջին հարցումները փաշինյանական վարչախմբի համար անվստահության ցուցիչ է
Politics
«Gallup International Association» ասոցիացիայի վերջին հարցման արդյունքներով՝ հայաստանցիների մեծ մասը՝ 53,8 %-ը, անընդունելի է համարում ՀԱՊԿ-ից Հայստանի դուրս գալը՝ ԵՄ հետ վիզայի ազատականացման համար, իսկ այդ հանգամանքն ընդունելի է համարում շատ ավելի քիչ մասը՝ 42,5 %-ը։
Ընդհանրապես «Gallup»-ի վերջին հարցումները փաշինյանական վարչախմբի համար անվստահության ցուցիչ է։ Հարցվածների 42 %-ը հայտարարել է, թե Ռուսաստանի հետ հարաբերությունների խզումը չի բխում Հայաստանի շահերից, ևս 16,1 %-ն էլ նշել է, թե նման հեռանկարը կարող է բացասական հետևանքներ ունենալ Հայաստանի համար։ Հարցվածների միայն 23,2 %-ն է կարծում, որ Ռուսաստանի հետ հարաբերությունների խզումը լիովին համապատասխանում է Հայաստանի շահերին, ևս 13,9 %-ը ենթադրում է, որ նման քայլը ձեռնտու կլինի մեր երկրի համար։
Տոկոսային առումով գումարելով, այս դեպքում էլ, փաստ է, որ հանրության մեծամասնությունը դեմ է Ռուսաստանի հետ հարաբերությունները խզելուն։ Ի տարբերություն Հայաստանի գործող իշխանությունների, որոնք բացարձակապես չեն հասկանում քաղաքական իրողություններից, հայ հասարակությունը բավական սթափ է իր գնահատականներում, գիտակցում է հնարավոր բոլոր հետևանքները, ուստի և նույնիսկ հակառուսական տարածվող հիստերիայի պայմաններում հանրության մեծամասնությունը դեմ է հարաբերությունների խզմանը, գիտակցում է, որ Ռուսաստանի պես գերտերության հետ կատակներ անելը կարող է լուրջ հետևանքներ ունենալ Հայաստանի Հանրապետության համար։
Փաստացի, այսօր Հայաստանի անվտանգությանը սպառնացող միայն մեկ սպառնալիք կա, դա Նիկոլ Փաշինյանի իշխանությունն է։
Սոնա Մանուկյան
