1980-ականներին կազմվել է արձանագրություն, որով հաստատվել է, որ ՀՀ տարածքում ոչ մի անկլավ չկա, դրա տակ ստորագրել են Հայաստանն ու Ադրբեջանը․ Բագրատյան
ПолитикаՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Վաղը խոսելու ենք Տիգրանաշենի մասին, ինչպես այսօր Տավուշի, սա ստրատեգիական կետ է, պետք է ժողովրդին տեղյակ պահենք, որ չկա փաստաթուղթ, որով Տիգրանաշենը երբևիցե եղել է Ադրբեջանի կազմում։ Այս մասին Տիգրանաշենում լրագրողների հետ զրույցում ասաց տնտեսագետ, ՀՀ նախկին վարչապետ Հրանտ Բագրատյանը։
«Եթե պայմանականորեն ընդունենք, որ այստեղ անկլավ կա, այդտեղից մինչև Նախիջևան 12 կմ է , Փաշինյանը դա էլ է տալիս, բայց դա ՀՀ սուվերեն տարածքն է։ Դա բացարձակ աբսուրդ է։ Որ ասում է մի սմ էլ տանք ռեֆերենդում կլինի, ոչ մի ռեֆերենդում էլ չի լինի։ Ինքն ասում է ադրբեջանցիները մեզ ասում են, որ մենք իրենցից գյուղատեղի ենք վերցրել, իսկ իրենք չեն վերցրել, սուտ է ասում, բա Արծվաշենը»,- ասաց նա։
Հրանտ Բագրատյանի խոսքով Տիգրանաշենի հնարավոր հանձնումից հետո կտրվում է դեպի Սյունիք տանող ճանապարհը։
«Այս գյուղը տալով ընդհատվում է դեպի Սյունիքի տանող ճանապարհը, անմիջական վտանգի տակ են հայտնվում Պարույր Սևակ գյուղը, Չիվան ու Ելփինը վարի են գնում։ Տիգրանաշենը հանձնելով՝ 4 գյուղ է դատարկվում։ Իսկ, եթե Տավուշում հանձնում ենք նաև Բարխուրդարը, աջից դատարկվում են Այգեհովիտ, Վազաշեն ու Պառավաքար գյուղերը, ձախից էլ Ոսկեպարը, Կիրանցը, Բաղանիսը , բացի այդ զրկվում ենք ճանապարհից, որով դուրս ենք գալիս Վրաստան։ Այս ամեն ինչը կտանք, խաղաղության պայմանագիրն էլ կստորագրենք, բայց ոչ մի տեղ գրած չի լինի, որտեղ է սկսվում և ավարտվում Հայաստանը»,- ասաց նախկին վարչապետը։
«Այդ գյուղերից հետո Ադրբեջանը կպահանջի երեք ճանապարհ, «Խաղաղության խաչմերուկ» կոչվածը ադրբեջանական «երգ» է, դրանով Սյունիքով երեք ճանապարհ պետք է տանք Ադրբեջանին դեպի Նախիջևան, որոնք կլինեն անվերահսկելի։
Ալիևն ասում է ինձ ոչ մի քարտեզ չի հետաքրքրում, 2018-ին խոսք ես տվել, տուր։ 1980-ականներին ՀՀ ղեկավարությունը Անտոն Քոչինյանը, Կարեն Դեմիրճյանը բարձրացնում են հարց, որ անկլավները, որոնք գծվում են քարտեզների վրա, երբ է Հայաստանը տվել Ադրբեջանին ու սկսվում են քննարկումներ։ Երկու կողմին էլ հրավիրում են Մոսկվա, պետանվտանգության պետ Կլյուչկովի մոտ ու կազմվում է 193 արձանագրություն, ըստ դրա գոյություն ունի 1 անկլավ Ադրբեջանի տարածքում՝ Արծվաշենը, իսկ Հայաստանի տարածքում ոչինչ չկա։ Այդ արձանագրության տակ ստորագրել է և՛ Հայաստանը, և՛ Ադրբեջանը, թող վերցնեն ու ուսումնասիրեն»,- նշեց Բագրատյանը։
Անդրադառնալով 1991թ-ի Ալմա Աթայի հռչակագրին, որին պարբերաբար հղում է անում Նիկոլ Փաշինյանը, Բագրատյանը նշեց․
«Ալմա Աթայի հռչակագրից հետո կա 1994 –ի մայիսի զինադադարը , որը վերաբերում է նաև ՀՀ- Ադրբեջան սահմաններին, որտեղ նշվում էր, որ բոլորը մնում են այնտեղ, որտեղ կանգնած են»։
