Ucom Supports Youth Environmental Education Ucom Supports the Next “SunChild” Festival in Armenia France defense minister: Armenia will be provided with short-, medium-range missiles if necessary Kremlin: Armenia has not officially notified about CSTO membership suspension MoD: Armenia army did not fire at Azerbaijani positions With the support of Ucom, the 18th annual international microelectronics olympiad was held AMD 3,500,572 to the “SOS Children’s Villages” Armenian Charity Foundation IDBank’s new offer for business With Ucom’s Level Up tariff plans subscribers have unlimited access to Netflix, Duolingo and Zoom During EURO 2020 Ucom subscribers to take part in the uMeter voting and draw Let’s weave kindness: The “Power of one dram” initiative is one year old. On June 1, events were held with the financing of IDBank

Չի կարող թանգարանն ունենալ պետական կարգավիճակ, բայց լինել մասնավորի սեփականություն. Շուշիի գորգերի թանգարանի հիմնադիր

Culture

Հայաստանի ԿԳՄՍ նախարարության հետ քննարկումներ են ընթանում, որ 44–օրյա պատերազմի ժամանակ Շուշիի գորգերի թանգարանից տարհանված եւ Հայաստան տեղափոխված գորգերը, ասեղնագործությունները ու կարպետները ցուցադրության հանվեն մեկ այլ թանգարանում։ Այս մասին NEWS.am-ի հետ զրույցում ասաց Շուշիի գորգերի թանգարանի հիմնադիր Վարդան Ասծատրյանը։

«Այդ գորգերը մեկ տարի շարունակ ցուցադրվում էին Ալեքսանդր Թամանյանի անվան ճարտարապետության ազգային թանգարան–ինստիտուտում, եւ հունվարի 30–ին դրանք ցուցադրությունից հանվել են ու պահ տրվել։ Քննարկումներ են գնում ԿԳՄՍ նախարարության հետ՝ դրանք նորից ցուցադրության հանելու համար, մոտ ժամանակները պարզ կլինի, թե որտեղ դրանք կցուցադրվեն։ Գորգերի նկատմամբ հանրային պահանջ կա։ Բացի այդ՝ ճիշտն այն է, որ դրանք շարունակվեն ցուցադրվել, որ չստացվի, թե մենք հրաժարվում ենք մեր արժեքավոր ժառանգությունից»,– ասաց Վարդան Ասծատրյանը։

Նշենք, որ Շուշիից տարհանված գորգերը ի սկզբանե պահ էին տրվել  Հայաստանի պատմության թանգարանին, 3 ամիս անց այնտեղ նորոգում էր սկսվել եւ 2021թ. փետրվարին ցուցանմուշները  տեղափոխվել էին  Թամանյանի անվան ճարտարապետության ազգային թանգարան։ Նախատեսվում էր՝ գորգերն այստեղ պահել 6 ամիս, բայց համապատասխան պահման վայրի բացակայության պատճառով, դրանք մնացել էին ճարտարապետության ազգային թանգարանում։

Արցախի ԿԳՄՍ նախկին նախարար Լուսինե Ղարախանյանը NEWS.am-ի հետ զրույցում ասել էր,   որ գորգերի համար արժանապատիվ տեղ են փնտրում Արցախում։

«Հարցն օրակարգում է, հունվար ամսին պետք է այդ հարցը լուծվի»,– ասել էր  Լուսինե Ղարախանյանը։

Արայիկ Հարությունյանի՝ փետրվարի 7–ի հրամանագրով, Լուսինե Ղարախանյանն ազատվել էր Արցախի Կրթության, գիտության, մշակույթի եւ սպորտի նախարարի պաշտոնից. մեկ այլ հրամանագրով այդ պաշտոնում նշանակվել է Անահիտ Հակոբյանը։

Փետրվարի 9–ին, Արցախի Կրթության, գիտության, մշակույթի եւ սպորտի նախարարությունը հաղորդագրություն էր տարածել Շուշիի գորգերի թանգարանից փրկված հավաքածուի վերաբերյալ։ 

Հաղորդագրության մեջ նշվում էր, որ նախարարությունը պատրաստակամություն է հայտնել Ստեփանակերտում տրամադրել համապատասխան շենք հավաքածուի համար, ինչպես նաեւ թանգարանին տալ պետական կարգավիճակ՝ հոգալով պահպանման բոլոր ծախսերը, բայց Շուշիի գորգերի թանգարանի հիմնադիր Վարդան Ասծատրյանը մշտապես պնդել է հավաքածուի վաճառքի առաջարկը՝ հիմնավոր չհամարելով Արցախի կառավարության կողմից տրվող պայմաններն ու անվտանգության երաշխիքները:

«Արցախի Կառավարությունը պատրաստ է ապահովել գորգերի հավաքածուի տեղափոխությունն Արցախ եւ հավուր պատշաճի պահպանումն ու պաշտպանությունը՝ տրամադրելով համապատասխան շենքային պայմաններ, պահպանման բյուջե եւ թանգարանի պետական կարգավիճակ՝ միաժամանակ երաշխավորելով Վարդան Ասծատրյանի սեփականության իրավունքի պաշտպանությունը:

Բնականաբար, պատրաստ ենք առաջարկվող պայմաններն ամրագրել նաեւ պատշաճ գրավոր ձեւով: Հիշեցնենք, որ Շուշիում եւս տարիներ շարունակ կառավարությունը ապահովել է հավաքածուի պահպանման ծախսերը եւ, սեփականատիրոջ խնդրանքի հիման վրա, պատերազմի ժամանակ աջակցել Շուշիից գորգերի տարհանման աշխատանքներին:

Ցավալի ու զարմանալի են սեփականատիրոջ այն պնդումները, որ մեր կողմից հավաքածուի անվտանգության բավարար երաշխիքներ չեն տրամադրվում՝ անտեսելով այն հանգամանքը, որ նույն երաշխիքները գործում են նաեւ Արցախում բնակվող յուրաքանչյուր անձի անվտանգության համար: Անընդունելի են անվտանգության երաշխիքների նման շահարկումները, առավել եւս, երբ տեսանելի է դրանց տողատակը:

Կառավարությունը ներկայումս չի պատրաստվում որեւէ կերպ քննարկել գորգերի հավաքածուն գնելու առաջարկը, քանի որ հետպատերազմյան հրատապ ու առաջնահերթ կարիքների պայմաններում ողջամիտ ու բարոյական չենք համարում նման գնում կատարել:

Տեղեկացնենք, որ սեփականատերն առաջարկել է 1 մլն դոլլարով գնել հավաքածուն, իսկ սկզբնական փուլում շատ ավելի բարձր գին էր ներկայացվում: Մեր կողմից առաջարկվել է նախեւառաջ փորձագիտական գնահատում իրականացնել՝ պատկերացում կազմելու համար հավաքածուի իրական արժեքի վերաբերյալ: Փորձագիտական գնահատման նախնական արդյունքներով գորգերի հավաքածուի արժեքը զգալիորեն ավելի ցածր է, սակայն, այնուամենայնիվ, դա չի ազդում հավաքածուն գնելու հարցն այս փուլում չքննարկելու մեր դիրքորոշման վրա: Կառավարությունը պատրաստ է Արցախում ապահովել հավաքածուի պահպանման ու հանրահռչակման բոլոր պայմանները՝ առանց ներկայումս կամ ապագայում այն գնելու հնարավորության հետ կապված որեւէ նախապայմանի: Ուստի՝ մենք հակված ենք, որ հավաքածուն գնելու հարցի քննարկումը պետք է թողնել ապագային՝ ամբողջովին երաշխավորելով Վարդան Ասծատրյանի սեփականության իրավունքը»,– ասվում էր հաղորդագրության մեջ։

Շուշիի գորգերի թանգարանի հիմնադիրն այս հաղորդագրության մեջ տեղ գտած որոշ հայտարարություններ զրպարտանք է որակում։ Վարդան Ասծատրյանի խոսքով, եթե Արցախում գորգերին տանիք տրվի եւ այն պետական կարգավիճակ ստանա, բայց գորգերի հավաքածուի սեփականատերը մնա ինքը, ապա այդ գորգերը լինելու են խոցելի վիճակում։

«Ես Արցախի ԿԳՄՍ նախկին նախարարին ասել եմ, որ թանգարանը պետք է պետական կարգավիճակ ունենա, որովհետեւ Արցախում իրավիճակն անորոշ է, իսկ մասնավորի կարգավիճակում այդ գորգերն Արցախ տանելը՝ վտանգավոր։ Եթե թանգարանը պետական կարգավիճակ ստանա, Ադրբեջանը խոսելու տեղ չի ունենա։ Ադրբեջանցիները մայիսից Շուշիի գորգերի թանգարանի որս են կազմակերպել, հայտարարել են՝ իբր ես գողացել եմ գորգերը, բայց դա աբսուրդ է, մենք այդ թանգարանը հիմնել ենք 2011–ին, իսկ Շուշիիում 1992–ից ադրբեջանցի չկա։ Սրանից ելնելով է, որ ես չեմ համաձայնում  մասնավորի կարգավիճակով գորգերը տանել Արցախ։ Եթե ադրբեջանցիները այդ ամենն արած չլինեին, խնդիր չկար, ես գորգերը կտանեի Արցախում ցուցադրության կհանեի, բայց ես գիտեմ, որ նրանք լուրջ աշխատանքեր են կատարում, դիմել են միջազգային տարբեր կազմակերպություններ։

Իսկ պետական կարգավիճակը նշանակում է, որ այդ թանգարանը լինելու է պետական սեփականություն։ Պետական սեփականություն լինելու համար, ես ասել եմ, որ պետք է ժամանակացույցով պայմանագիր կնքվի, բայց այդ առաջարկը չի ընդունվել։ Հասկանում եմ հետպատերազմյան վիճակը, ծանր պայմանները, բայց հենց դրա համար էլ առաջարկել եմ ժամանակացույցով կնքել պայմանագիրը։ Եթե պայմանագիրը կնքեն առանց ժամանակացույցի, դա առոչինչ է համարվելու։ Պետական կարգավիճակ ունենալու համար պետք է ձեռքբերման պայմանագիր լինի, այդ պայմանագրում ոնց պետք է նշեն՝ ինչպես են ձեռք բերել այդ գորգերը, եթե ժամանակացույցը չկա։ Արցախի ԿԳՄՍ–ն ասում է, որ թանգարանին պետական կարգավիճակ է տալիս, բայց երաշխավորում են իմ սեփականության իրավունքը, չի կարող նման բան լինել, չի կարող մի բան ունենալ պետական կարգավիճակ, բայց  լինել մասնավորի սեփականություն։ Ես ամեն ինչ արել եմ, որ այդ գորգերը լինեն Արցախի ժողովրդինը։ Այս երաշխիքը ոչ թե ինձ, այլ թանգարինն է պետք»,– ասաց Վարդան Ասծատրյանը։

Անդրադառնալով հայտարարությանը, թե սեփականատերն առաջարկել է 1 մլն դոլլարով գնել գորգերի հավաքածուն, Վարդան Ասծատրյանն ասաց.

«Հեքիաթ է, նման խոսակցություն չի եղել, չգիտեմ՝ ինչու են նման բան գրել։ Ցավալի է, որ նախարարությունն այդ ճանապարհն է ընտրել։ Հաղորդագրությունից  պարզ է, որ դրա հետեւում ականջներ կան, դա նախարարությանը վայել գրություն չէ։

Ես ոչ մի թիվ չեմ հայտարարել, կամ ինչու պիտի հայտարարեի, եթե 2021թ. ամռանը նախկին  նախարար Լուսինե Ղարախանյանին ինքս եմ առաջարկել՝ Հայաստանի ԿԳՄՍ–ին նամակ գրել, որ փորձագիտական աշխատանք անեն, անձնագրավորեն գորգերը եւ գնահատեն դրանք»։

Հայաստանի ԿԳՄՍ–ի «Մշակութային արժեքների փորձագիտական գնահատման կենտրոն» ՊՈԱԿ–ը իրականացրել է այդ փորձագիտական աշխատանքները, սակայն, Ասծատրյանի խոսքով՝ դեռ վերջնական թիվ չկա, թե ինչքան արժե գորգերի հավաքածուն։

«Թվեր հնչեցնում են, սեւագրի տեսքով դա կա, բայց ոչ վերջնական, քանի որ շահարկումներ սկսվեցին եւ փորձագիտական կենտրոնը կանգնեցրեց այդ պրոցեսը։ Ես հիմա չեմ ուզում ինչ–որ թվեր հայտարարել, օդում հայտարարություններ անել չեմ սիրում»,– նշեց Շուշիի գորգերի թանգարանի հիմնադիրը։

Վարդան Ասծատրյանը կասկածներ ունի, որ Արցախի ԿԳՄՍ–ի տարածած հաղորդագրությունը համաձայնեցված չէ նորանշանակ նախարարի հետ, թեեւ այն արվել է նրա նշանակումից օրեր անց։ 

«Ինչպես կարող է նոր նշանակված նախարարը նման գրություն գրել, պետք է չէ՞ ինձ հետ կապվեր, իրավիճակին առավել մանրամասն տեղեկանար, բայց ինձ հետ ոչ մեկ չի կապվել։ Նոր նախարարին կամ դժվար կացության մեջ են դրել, կամ էլ ինքը տեղյակ է ամեն ինչից, եւ եթե տեղյակ է, դա նշանակում է, որ ... չեմ ուզում ասել։ Բայց ես ավելի շատ հակված եմ, որ ինքը տեղյակ չի եղել, հետեւաբար ինքը պետք է ճշտի ու հասկանա՝ ինչ է կատարվում նախարարությունում։

Ի դեպ, այդ հաղորդագրությունը կարելի է ասել՝ զրպարտանք էր։ Գրել են, թե «տարիներ շարունակ կառավարությունը ապահովել է հավաքածուի պահպանման ծախսերը», սուտ են ասում, նման բան չկա։ Թանգարանի ստեղծումից ի վեր՝ ջեռուցման նպատակով 500 000  դրամ են վճարել, մի աշխատողի էլ՝ ֆոնդապահին,  3–ից 4 տարի ամսական 50 000 դրամ են վճարել, դա է եղել պետության ֆինանսավորումը այդ տարիներ ընթացքում»,– հավելեց Շուշիի գորգերի թանգարանի հիմնադիրը։

Արցախի ԿԳՄՍ նորանշանակ նախարար Անահիտ Հակոբյանը NEWS.am-ի հետ զրույցում ասաց, որ ինքը ծանոթ է եղել նախարարության տարածած հաղորդագրության բովանդակությանը, բայց տեղեկացված չէ թեմային վերաբերող գործընթացներից։

«Ես տեղյակ եմ եղել, որ նման բովանդակությամբ հաղորդագրություն է տարածվելու, որովհետեւ ասել են, որ «գործընթացն այս հունով է գնում»։ Այդ հաղորդագրությունը պատրաստ էր հրապարակման, եւ ես չէի կարող կասեցնել նախարարության աշխատանքը, քանի որ այդ գործընթացներին  ծանոթ չեմ եղել։ Ես չեմ խոսել Վարդան Ասծատրյանի հետ, բայց փոխնախարարին ասել եմ, որ նրա հետ կապվի ու ասի, որ գա եւ ներկայացնի իրավիճակը։ Այս պահի դրությամբ դեռ պատասխան չեմ ստացել»,– նշեց Անահիտ Հակոբյանը։

Նորանշանակ նախարարը Վարդան Ասծատրյանին հրավիրեց իր մոտ, որպեսզի միասին քննարկեն Շուշիի գորգերի թանգարանի ճակատագիրը։

IDBank to Present a Unified Ecosystem Concept at DigiTec 2026Ucom Supports Annual Mini Whoop Drone Racing Armenia 2026 Competition in YerevanIDBank Presents the Rate.Trading Digital Platform at Toon Expo.Invest 2026The Second Khachaturian International Youth Competition Concludes at China National Opera House Under the Artistic Direction of Sergey Smbatyan"The network this time for COP17 was the most one of exceptional network we have ever had." The service quality by Team was highly appreciated by UN representativeRate.Trading: Large Transactions with Digital Management of Exchange Rate RisksVIVA Foundation Named November Beneficiary of “The Power of One Dram”Special Mortgage Offers: IDBank at Toon Expo: Invest 2026Vahe and Vigen Badalyan File Lawsuit Against 1in.am Seeking Protection of Their Business ReputationIDBank at the UBA Regional Conference: From Travel Solutions to Business OpportunitiesJoint statement by the parties consolidatted around the national agenda35% Discount for the 35th Anniversary on Selected IDBank CardsConverse Bank Expands Its International Capabilities Through Cooperation with Citibank N.A.Business loan pre-approval in five minutes — what did Unibank showcase in Gyumri?Converse Bank Expands Its International Capabilities Through Cooperation with Citibank N.A.Bratislava forum to debate Armenia’s strategic futureUcom Service Center in Artashat Reopens at a New AddressUcom and Republican Union of Employers of Armenia Sign Cooperation MemorandumCreate your Visa Digital from Unibank for purchases and transfersUcom – Main Sponsor of the 21st International Microelectronics OlympiadIDBank and Idram Hold Financial Literacy Session for Young Chess PlayersUcom Supports Silicon Mountains 2026, Driving Innovation and Technological DevelopmentIDBank has issued perpetual coupon bonds for the first timeIDBank Supports the Reconstruction of the Spandaryan Canal: Commemorative Plaque Dedicated to the Project SignedIDBank and Idram Presented Several Environmental Initiatives at COP17Ucom Shares Its Experience in Private Sector Engagement in Nature Conservation at COP17 Blue Zone«Here’s the screenshot, the money has been transferred»: IDBank warns of fake payment scamsFirst Steps in Your Career with IDBank: 16th Cycle of IDream LaunchedDigital Architecture for a Sustainable Future: IDBank's Article in Regional Post MagazineRate.Trading. New Digital Culture of Currency ExchangeDigital Future and Sustainable Development: IDBank's Chairman of the Management Board in an Interview with ForbesApplications Now Open: Armenian Virtuosos International Academy-Festival 2027Book Published with Ucom’s Support Presented at COP17: “The Secret Path of Hovazadzor”Ucom Highlights the Role of Technology in Nature Conservation at COP17“The people of Stepanavan will show through their votes that every attempt to deceive them with videos is doomed to fail”: “Strong Armenia” Party With Ucom’s Support, SunChild Brings Cinema and Environmental Conservation TogetherYoung Musicians of the “Armenian Virtuosos” Program Perform in the COP17 A Birthday in Italy with UnibankIdram and IDBank Participated in the Opening of My Forest Armenia’s Pavilion at COP17Unibank Receives B++ Sustainability Alignment Rating from Agents for Impact GmbH Ucom Supported Yerevan Conservation Symposium 2026 as Strategic PartnerIDBank to Showcase Environmental and Innovative Initiatives at COP17New AI-Powered Wildlife Monitoring Camera Installed in Paruyr Sevak with the Support of Ucom35 Years of Trust: IDBank Celebrates with Its CustomersBusiness and mining leader Mark Cutifani to deliver keynote speech at the 3rd Mining Armenia Forum“From Classroom to Orbit”: With Ucom’s Support, “Space 1.0” Is Being Introduced in 15 Schools Across ArmeniaAfeyan Initiatives for Armenia Awards Grant to the Armenia Education Initiative to Expand the Teach For Armenia’s Seroond School Turnaround Program Ucom to Participate in COP17 Together with FPWC, Showcasing Their Environmental Partnership“The Golden Hour”: IDBank explains how to respond effectively to a scam attackNelli Kocharyan Presents Converse Bank’s Vision for Development of International Relations at the BACEE Conference