Քուվեյթի նոր էմիրը երդում է տվել, այնուհետև վարչապետից ընդունել է կառավարության հրաժարականը
Միջազգային
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Քուվեյթի նոր էմիր շեյխ Մեշալ ալ Ահմեդ ալ Ջաբեր աս Սաբահը երդում է տվել Ազգային ժողովի առջև և իր ելույթում քննադատել է օրենսդիրներին ու գործադիր իշխանությանը, իր խոսքով, «երկրի շահերը վնասելու համար»։
Այս մասին հաղորդում է Reuters գործակալությունը։
Երդմնակալությունից հետո շեյխ Մեշալը քննադատել է իշխանությունների որոշումը՝ տարբեր պաշտոնների այնպիսի մարդկանց նշանակելու համար, որոնք, ըստ նրա, չեն համապատասխանում արդարադատության և արդարության «պարզագույն կանոններին»։ Նա նաև առարկել է մի քանի դատապարտյալների և ընդդիմադիր գործիչների համաներմանը։
Նոր էմիրը հայտարարել է, որ Քուվեյթը կպահպանի Պարսից ծոցում, տարածաշրջանում և միջազգային ասպարեզում իր հանձնառությունները։
Իր հերթին Քուվեյթի KUNA գործակալությունը հաղորդում է, որ երկրի վարչապետ շեյխ Ահմեդ Նավաֆ ալ Ահմեդ աս Սաբահը կառավարության հրաժարականի խնդրագիր է ներկայացրել նոր էմիրին։
83-ամյա շեյխ Մեշալը Քուվեյթի կառավարիչն էր իր խորթ եղբայր շեյխ Նավաֆի իշխանության օրոք՝ հաշվի առնելով վերջինիս վատ առողջական վիճակը։ Շեյխ Նավաֆը մահացել է դեկտեմբերի 16-ին։
