Գիշերը Մոսկվայի վրա անօդաչուներով զանգվածային հարձակման փորձ է եղել. «Վնուկովո»-ն և «Դոմոդեդովո»-ն ստիպված են եղել դադարեցնել աշխատանքը
Միջազգային
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ՀՕՊ ուժերը խոցել են Մոսկվայի ուղղությամբ թռչող մի քանի անօդաչու սարք, տուժածներ չկան: Այս մասին իր տելեգրամյան ալիքում հայտնել է Մոսկվայի քաղաքապետ Սերգեյ Սոբյանինը, տեղեկացնում է ՏԱՍՍ-ը:
Նա, մասնավորապես, նշել է. ՛՛Այս գիշեր անօդաչուներով զանգվածային հարձակման փորձ է արվել: Այս պահին հակաօդային պաշտպանության ուժերը Նարո-Ֆոմինսկի շրջանում և Օդինցովո քաղաքային շրջանում դեպի Մոսկվա թռչող անօդաչու սարքեր են խոցել: ՀՕՊ-ին հաջողվել է նաև որսալ և ոչնչացնել մի քանի անօդաչուներ Բրյանսկի, Տուլայի և Կալուգայի շրջաններում՛՛:
Սոբյանինի խոսքով՝ մեկ այլ անօդաչու թռչող սարք էլ փորձել է հարձակում իրականացնել Մոսկվայի վրա: Սարքը խփվել է Պոդոլսկի քաղաքային թաղամասում։
Ըստ նախնական տեղեկությունների՝ ավերածություններ կամ զոհեր չկան, հայտնել է Մոսկվայի քաղաքապետը:
Ինչպես նշել է ՏԱՍՍ-ը՝ ՛՛Վնուկովո՛՛ և ՛՛Դոմոդեդովո՛՛ օդանավակայանները կարճ ժամանակով դադարեցրել են ինքնաթիռների ընդունումն ու մեկնումը:
