Հարսանեկան ռեյդեր․ Ադրբեջանցիների հարսանիքին զինակոչի ծանուցագրեր են բերել
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ռուսաստանում զանգվածային միջոցառումների ժամանակ ոստիկանական ռեյդեր են անում, որոնց ընթացքում ծանուցագրեր են հանձնում զորակոչին խուսափողներին։ Այս անգամ նման ռեյդ են արել Վորոնեժում՝ ադրբեջանցիների հարսանիքն ընդհատելով։ Այս մասին հայտնում է «ԱՊԱ» լրատվական գործակալությունը։ Օրեր առաջ Սանկտ Պետերբուրգում էին ադրբեջանական հարսանիքն ընդհատել ոստիկանական ռեյդով եւ զինակոչի ծանուցագրեր տվել։ Նույնպիսի ռեյդ է տեղի ունեցել նաեւ Վորոնեժում։ Ուժայինները զինակոչի ծանուցագրեր են հանձնել բանակից խուսափողներին։ Պատճառը, ըստ «ԱՊԱ»-ի, տասն օր առաջ տեղի ունեցած զանգվածային ծեծկռտուքն է եղել, որը տեղի է ունեցել Վորոնեժում հայերի եւ ադրբեջանցիների միջեւ։ Ադրբեջանցու պատկանող ռեստորանում հնչել է Շեբեն Թովուզլուի «Ղարաբաղն Ադրբեջան է» երգը, ռեստորանում գտնվող հայերն ընդվզել են դրա դեմ։
Նշվում է, որ ուժայինները Վորոնեժում ռեյդ իրականացնելով, որոնել են այդ ծեծկռտուքին մասնակցած հետախուզվող ադրբեջանցիներին։ Տեղի ադրբեջանցիներից մեկը նշել է, որ մամուլում եւ տելեգրամյան ալիքներում անհարկի աղմուկ է բարձրացել՝ իրականում հիսուն հոգու է տրվել զինակոչի ծանուցագիր, իսկ եւս հինգին, ովքեր նոր են դարձել ՌԴ քաղաքացի, հորդորել են ռազմական հաշվառման անցնել։ Ոստիկաններն ու ուժային մյուս գերատեսչությունները ռեյդ են արել նաեւ Վորոնեժի Ալեքսեեւսկի շուկայում։ Հայտնաբերվել են միգրանտներ եւ ում փաստաթղթերը նորմալ չի եղել, որոշել են արտաքսել։
