Հայտնի է ՌԴ նախագահի առաջին թեկնածուն․ ո՞վ է նա
Միջազգային
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Աջ ուժերի միությունից Պետդումայի նախկին պատգամավոր, մերձմոսկովյան Դոլգոպրուդնիի պատգամավորների խորհրդի անդամ Բորիս Նադեժդինը հայտարարել է «Քաղաքացիական նախաձեռնություն» կուսակցության կողմից նախագահի պաշտոնում առաջադրվելու մասին։
Այսպիսով, նա դարձել է առաջին թեկնածուն, ով հայտարարել է 2024 թվականին նախագահական ընտրություններին մասնակցելու իր որոշման մասին։
«Ես դիմել եմ «Քաղաքացիական նախաձեռնություն» կուսակցության քաղխորհրդին առաջադրվելու համար»,- ասել է Նադեժդինը «Վեդոմոստի»-ին տված հարցազրույցում: Նրա խոսքով՝ կուսակցության առաջնորդ Անդրեյ Նեչաևը հավանություն է տվել այդ խնդրանքին և հաստատել Նադեժդինի թեկնածությունը։
«Մենք ունենք մոտ երկու տասնյակ ռեգիոններ՝ ուժեղ մասնաճյուղերով։ Ամեն դեպքում, ստորագրահավաքի և քարոզարշավի համար միաժամանակ ստեղծվում են շտաբներ»,- ասել նա։
«Քաղաքացիական նախաձեռնություն» կուսակցությունը ներկայացված չէ Պետդումայում կամ տարածաշրջանային խորհրդարաններում։
Առաջադրվելու համար անհրաժեշտ է 100 հազար ստորագրություն հավաքել։ Նշվում է, որ յուրաքանչյուր մարզում պետք է լինի 2500-ից ոչ ավելի ստորագրություն։
Ավելին՝ այստեղ
