Դոնի Ռոստովում գործարկվել է ՀՕՊ համակարգը. մարզի ղեկավարը բնակիչներին կոչ է արել հանգստություն պահպանել
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Դոնի Ռոստովում հոկտեմբերի 24-ին՝ ժամը 08:00-ի սահմաններում, գործել է հակաօդային պաշտպանության համակարգը։ Ինչպես հայտնել է մարզի ղեկավար Վասիլ Գոլուբևը, «մենք հաջողությամբ աշխատել ենք օդային թիրախների վրա հատուկ ռազմական գործողության գոտում՝ Ռոստովի մարզից դուրս»։
«Հայրենակիցներ, հանգստացեք»,- գրել է Գոլուբևը Telegram-ի իր ալիքում:
Դոնի Ռոստովի բնակիչները հայտնել են պայթյունների ձայների մասին և հրապարակել երկնքում հրթիռների հետքերի կադրերը։
Ռոստովի մարզում մեկ օրվա ընթացքում երկրորդ անգամ է գործարկվում ՀՕՊ համակարգը։ Հոկտեմբերի 23-ի կեսօրին Վասիլի Գոլուբևը գրել էր, որ ՀՕՊ ուժերը «հաջողությամբ են աշխատել Ռոստովի մարզում օդային թիրախների վրա»։ Մարզի ղեկավարի խոսքով՝ «հեռահար ՀՕՊ համակարգը, որը տեղակայված է Ռոստովի մարզում, հատուկ ռազմական գործողության գոտում կատարում է առաջադրանքներ՝ ոչնչացնելու օդային թիրախները՝ դրանք հայտնաբերելուց անմիջապես հետո»։
Ռոստովի մարզը սահմանակից է Ուկրաինայի Դոնեցկի և Լուգանսկի մարզերին, որոնց մի զգալի մասը ներկայումս գտնվում է Ռուսաստանի վերահսկողության տակ։
