Գիշերային հարված՝ Օդեսայի մարզում. հարձակման են ենթարկվել քաղաքացիական ենթակառուցվածքները
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Գիշերը Ռուսաստանի Դաշնությունը գրոհային անօդաչու թռչող սարքերի միջոցով գրոհել է Օդեսայի շրջանի հարավը, մասնավորապես՝ Կիլիյա և Իզմայիլ շրջանները, հայտնում է УНИАН-ը։
Ինչպես հեռուստամարաթոնի եթերում հայտնել է Ուկրաինայի հարավի պաշտպանության ուժերի միացյալ մամուլի կենտրոնի ղեկավար Նատալյա Գումենյուկը, քաղաքացիական ենթակառուցվածքները կրկին հայտնվել են հակառակորդի հարձակման տակ։
«Անօդաչու թռչող սարքերի ճնշող մեծամասնությունը ոչնչացվել է ՀՕՊ ուժերի կողմից։ Վերջնական թվերը դեռ ճշտվում են։ Բառացիորեն վերջերս հաղորդագրություն եղավ, տվյալները հավաքվում են։ ...Ցավոք սրտի, քաղաքացիական ենթակառուցվածքներում հարված կա, կան վնասված շենքեր, զոհերի մասին տեղեկությունը ճշտվում է»,- ասաց նա։
Հարավային ՊԲ-ից հայտնում են, որ Դանուբի շրջանի քաղաքացիական ենթակառուցվածքի վրա հակառակորդի գիշերային հարձակման ժամանակ հակաօդային պաշտպանության ուժերը խոցել են ռուսական 17 կամիկաձե անօդաչու թռչող սարքեր։ Օդեսայի մարզի երկու տարածքային համայնքներում ավերածություններ են։
«Իզմայիլ շրջանի մի քանի բնակավայրերում վնասվել են պահեստային և արդյունաբերական շենքեր, գյուղատնտեսական տեխնիկա և արդյունաբերական ձեռնարկությունների սարքավորումներ։ Նաև բեկորների ներթափանցումից վնասի հետևանքով մի քանի հրդեհներ են բռնկվել քաղաքացիական օբյեկտների տարածքում։ Գիշերային գրոհի արդյունքում զոհեր չկան»,- ասել է Օդեսայի ՕՎԱ-ի ղեկավար Օլեգ Կիպերը։
Մարզպետարանի ղեկավարի խոսքով՝ բոլոր համապատասխան ծառայությունները շարունակում են տեղում աշխատել, իրավապահներն արձանագրում են ռուսների հանցագործությունները։
