Կիևում հրթիռի բեկորները մի քանի շենք են վնասել, կա երկու զոհ
Միջազգային
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Կիևում ռուսական հրթիռային հարձակման հետևանքով երկու մարդ է զոհվել, ևս երկուսը վիրավորվել են։ Այս մասին հայտարարել է Կիեւի քաղաքային ռազմական վարչակազմի ղեկավար Սերգեյ Պոպկոն։
Նրա խոսքով՝ դա գարնանից ի վեր քաղաքի ամենազանգվածային գնդակոծությունն էր։ Ռուսական բանակը նախ տարբեր ուղղություններից կիրառել է Shahed հարվածային անօդաչու թռչող սարքեր, ապա՝ հրթիռներ։ ՀՕՊ ուժերը ոչնչացրել են ավելի քան 20 օդային թիրախ, ասել է Պոպկոն։
Քաղաքի Շևչենկովսկի թաղամասում բեկորներ են ընկել գրասենյակային շենքի վրա. երկու պահակ է զոհվել։
Նաև ռուսական հրթիռի բեկորներ են ընկել Կիևի Դառնիցկի թաղամասի Աուչան առևտրի կենտրոնի շենքի վրա։ Հրդեհ է բռնկվել, քանդվել է շենքի տանիքը։ Տուժածներ չկան։
Կիևի մարզում վեց առանձնատուն է վնասվել, հայտնել են ոստիկանությունից։
Ուկրաինայի զինված ուժերի գլխավոր հրամանատար Վալերի Զալուժնին ավելի ուշ հայտնել է, որ օգոստոսի 30-ի գիշերն Ուկրաինայի տարածքի վրա ռուսական հարձակման ժամանակ խոցվել են բոլոր 28 թեւավոր հրթիռները և 16 հարվածային անօդաչու թռչող սարքերից 15-ը։
