Իրանի և «Թալիբանի» պատվիրակությունները հանդիպել են Քաբուլում
ՄիջազգայինԻրանական 7 հոգուց բաղկացած պատվիրակությունը ժամանել է Աֆղանստան, որպեսզի Քաբուլում անվտանգության և տնտեսական հարցերի շուրջ բանակցություններ վարի Թալիբան շարժման ԱԳ նախարարի պաշտոնակատարի հետ, հայտնում է Mehr-ը։
Ջավադ Քարիմի-Գոդովսիի գլխավորած իրանական պատվիրակությունը Քաբուլում հանդիպել է թալիբների արտաքին գործերի նախարարի պաշտոնակատար Ամիր Խան Մութաքիի հետ, իր X օգտահաշվում գրել է շարժման արտաքին գործերի նախարարության խոսնակ Հաֆիզ Զիա Ահմադը։
Այս հանդիպմանը մանրամասն քննարկվել են տարբեր հարցեր, այդ թվում՝ սահմանային անվտանգության, թմրամիջոցների ապօրինի շրջանառության դեմ պայքարի, մաքսանենգության կանխարգելման և առևտրի հարցեր։
Աֆղանստանը լավ շուկա է իրանական արդյունաբերության համար, ուստի Աֆղանստանն ու Իրանը պետք է ավելի շատ հնարավորություններ ստեղծեն առևտրի և տարանցման ոլորտում և լավագույնս օգտագործեն այդ հնարավորությունը, ընդգծել է Մութաքին։
Իրանի խորհրդարանի անդամներն ասել են, որ երկու կողմերը պետք է մշտապես և համատեղ աշխատեն մաքսանենգությունը կանխելու, սահմանային հարցերը լուծելու համար, որոնք խոչընդոտում են կողմնակի մարդկանց տեղաշարժին, և լուծում գտնել:
Նրանք նաև հայտնել են տարբեր գործերում «Թալիբան» շարժմանն իր փորձով օգնելու Իրանի պատրաստակամության մասին։
