Ադրբեջանն Արամ Նիկոլյանի նկատմամբ միջազգային հետախուզում է հայտարարել

Ադրբեջանը Ծանրամարտի Եվրոպայի առաջնության բացման արարողության ժամանակ Ադրբեջանի դրոշն այրած ու դահլիճից դուրս հանած դիզայներ Արամ Նիկոլյանի նկատմամբ միջազգային հետախուզում է հայտարարել:

Այդ մասին հայտնել են Ադրբեջանի գլխավոր դատախազության մամուլի ծառայությունում։

Ադրբեջանի գլխավոր դատախազության կողմից հարուցված քրեական գործի քննությունն իրականացնելու նպատակով միջազգային համագործակցության շրջանակներում օտարերկրյա պետությունների իրավապահ մարմիններին ուղարկվել են հարցումներ՝ Արամ Նիկոլյանի նկատմամբ անհրաժեշտ քննչական գործողություններ կատարելու, ինչպես նաև պետական սահմանը հատելու դեպքում նրան կալանավորելու ու Ադրբեջանին յհանձնելու նպատակով: