Հունիսի 21֊ին աշխարհն ականատես կլինի արևի օղակաձև խավարմանը
Օղակաձև արևի խավարումն աստղագիտական ամենագեղեցիկ երևույթներից մեկն է, որը հարյուրից ավելի երկրների բնակիչներ կտեսնեն հունիսի 21-ին: Արևի օղակաձև խավարումը տեղի է ունենում այն ժամանակ, երբ լուսինն անցնում է արևի սկավառակի միջով, բայց տրամագծով փոքր է, ուստի չի կարող ամբողջությամբ թաքցնել այն: Արդյունքում,՝ Լուսնի սև սկավառակի շուրջ, խավարման առավելագույն փուլի ընթացքում, ձևավորվում է Արևի կրակի պայծառ օղակ: Արեգակի խավարման առավելագույն փուլը այս տարի տեղի կունենա հունիսի 21-ին: Առավելագույն փուլում լուսնի ստվերը ծածկելու է արևը ավելի քան 99% -ով: Ընդհանուր խավարումը տևում է 38 վայրկյան: Օղակաձև արեգակնային խավարման փուլերը կարող են դիտվել Աֆրիկայում, Արաբական թերակղզում, Եվրասիայում, Ճապոնիայում և Մալայական արշիպելագում, ինչպես նաև Ավստրալիայում, Ռուսաստանում: Կոնգոյի Հանրապետության, Կենտրոնական Աֆրիկայի, Սուդանի, Եթովպիայի, Հարավային Սուդանի, Սաուդյան Արաբիայի, Էրիթրեայի, Եմենի, Օմանի, Հնդկաստանի, Պակիստանի, Թայվանի և Չինաստանի բնակիչները կկարողանան դիտել ամբողջական օղակաձև արևային խավարումը:
