Չեմ կարծում՝ Պուտինի հեռանալն անհրաժեշտ է․ Ջոնսոն
Միջազգային
Մեծ Բրիտանիայի վարչապետ Բորիս Ջոնսոնը հայտարարել է, որ Ուկրաինայի հակամարտության ավարտը չի պահանջում Վլադիմիր Պուտինի հրաժարականը Ռուսաստանի նախագահի պաշտոնից, գրում է ՏԱՍՍ֊ը։
Լրագրողի այն հարցին, թե արդյո՞ք Պուտինի հեռանալն անհրաժեշտ է Ռուսաստանի և Ուկրաինայի միջև խաղաղության պայմանագրի հասնելու համար, բրիտանական կառավարության ղեկավարը բացասական պատասխան է տվել։ «Ոչ, իհարկե ոչ»,- ասել է նա հինգշաբթի օրը Մադրիդում ՆԱՏՕ-ի գագաթնաժողովից հետո LBC ռադիոկայանին տված հարցազրույցում։
Ջոնսոնը նաև կարծիք է հայտնել, որ Պուտինը, հաշվի առնելով ռուս բնակչության զգալի աջակցությունը, կարող է իրականացնել հատուկ ռազմական գործողություն գրեթե ցանկացած պայմաններով։ «Ռուսաստանի նախագահն իրականում Ռուսաստանում ունի հանրային աջակցության շատ զգալի մակարդակ», - ասել է նա: «Նա մանևրելու տեղ ունի՝ ասելու. «Ես ես հասել եմ որոշակի բաների»: Պուտինը կարող է ասել. «Խաղաղության շահերից ելնելով` եկել է տեխնիկական ռազմական գործողությունն ավարտելու, զորքերը դուրս բերելու և նոր համաձայնության հասնելու ժամանակը։ Դա այն է, ինչ նա պետք է անի, իմ կարծիքով»,֊ասել է Ջոնսոնը:
Խոսելով միջուկային պատերազմ սկսելու տեսական հնարավորության մասին՝ Ջոնսոնն անընդունելի է անվանել նման սցենարները։ Նա նախազգուշացրել է արևմտյան լրագրողներին «ուժի սպառնալիքներով չշեղվել» և ասել է, որ Ուկրաինայի հակամարտությունը չի կարող դիտվել՝ որպես ՆԱՏՕ-ի և Ռուսաստանի առճակատում։
