Նիդեռլանդներում ջրաքիսները վարակվել են կորոնավիրուսով
ՄիջազգայինՆիդեռլանդների երկու ֆերմայում ջրաքիսների մոտ կորոնավիրուս է հայտնաբերվել: Սա առաջին դեպքն է, երբ նոր հիվանդությունը հայտնաբերվում է արդյունաբերական մասշտաբներով բազմացվող կենդանիների մոտ:
«Խոսքը մարդուց կենդանուն վիրուսի փոխանցման մասին է, քանի որ մի քանի աշխատողներ COVID-19-ի ախտանիշներ են ունեցել»,- ասում է գյուղատնտեսության, շրջակա միջավայրի եւ սննդամթերքի որակի նախարար Կառոլա Սաուտենը: Ընդհանուր առմամբ, երկու ֆերմայի տարածքում ապրում է 2000 ջրաքիս: Կենդանիները շնչառության եւ մարսողության հետ կապված խնդիրներ ունեն, հայտնում է ՏԱՍՍ-ը: Հարեւան տնտեսություններում անցկացվում են թեստեր՝ վիրուսի հետագա տարածմանը հետեւելու համար:
Նիդեռլանդներում COVID-19- ը հայտնաբերվել է ավելի քան 37 800 մարդու մոտ, մահացել է ավելի քան 4400 մարդ:
