Ռոնալդու․ Հույս ունենք, որ շուտով ամեն ինչ կփոխվի (ֆոտո)
Իտալիայի չեմպիոն Թուրինի «Յուվենտուսի» պորտուգալացի հարձակվող Կրիշտիանու Ռոնալդուն հույս է հայտնել, որ կորոնավիրուսի համավարակի հետեւանքով առաջացած սահմանափակումները կմնան անցյալում եւ երկրպագուները կվերադառնան ստադիոններ։
35-ամյա ֆուտբոլիստն Ինստագրամում լուսանկար է հրապարակել «Կամպ Նոու» ստադիոնից։ Չեմպիոնների լիգայի 6-րդ տուրում «Յուվենտուսը» 3։0 հաշվով հաղթել էր «Բարսելոնային», Ռոնալդուն դարձել էր դուբլի հեղինակ։
«Բոլորս զգում ենք երկրպագուների պակասը ստադիոններում։ Հույս ունենք, որ շուտով ամեն ինչ կփոխվի։ Բայց մինչեւ այդ շոուն պետք է շարունակվի»,- գրել է Ռոնալդուն։
