18 արդարների գործով դատկան նիստը տեղի կունենա սեպտեմբերի 17-ին
Իրավունք
18 արդարների գործով գալիք դատական նիստին կրկին «ՔԿ փորձագիտական կենտրոն» ՊՈԱԿ-ի փորձագետներ են հարցաքննվելու:
4 փորձագետներ արդեն հարցաքննվել են, մնացել են ևս 4-ը»:
Իսկ ի՞նչ են տվել մինչ այս կատարված փորձաքննությունները.
- Պարզվեց, որ փորձագետներին ընդամենը հանձնարարվել է հաստատել, թե հայտնաբերված զենքը զե՞նք է, վառոդը վառո՞դ է:
Բայց Գնդապետ Իսրայելյանը հրաժարվո՞ւմ էր ընդունել, որ պետության կողմից նվեր ստացած զենքը զենք է, կամ որսորդմիության անդամներ Մովսես Շարբաթյանն ու Արսեն Ղազարյանը հրաժարվո՞ւմ էին հաստատել, որ իրենց որսորդական օրինական զենք-զինամթերքը զենք-զինամթերք է: Իհարկե ոչ:
- Պարզվեց, որ «ՔԿ փորձագիտական կենտրոն» ՊՈԱԿ-ում փորձաքննությունների համար օգտագործվում են 80-ականների սովետական գրականություն, կենտրոնը չունի անհրաժեշտ սերտիֆիկացված նմուշներ, որպեսզի պարզի առգրավված վառոդի մակնիշը:
- Պարզվեց, որ փորձագետներից մեկը մասնագիտությամբ քիմիայի և կենսաբանության ուսուցիչ է, մյուսը` պատմաբան:
Տեսնենք` գալիք դատական նիստին փորձագետներն էլ ինչ սենսացիոն բացահայտումներ կանեն Քննչական կոմիտեի փնթի աշխատանքի մասին:
Հաջորդ դատական նիստը տեղի կունենա սեպտեմբերի 17-ին, ժամը 15:00-ին, Երևանի Ընդհանուր Իրավասության դատարանի Շենգավիթ նստավայրում (հասցե՝ Արշակունյաց 24/1):
