Ֆասթ Բանկը 15% քեշբեք է տրամադրում Yerevan Mall-ում գնումներ կատարելու դեպքում
Հասարակություն
Ֆասթ Բանկը Yerevan Mall-ի կողմից իրականացվող «Family Shopping weekend»-ի շրջանակներում իր հաճախորդներին տրամադրում է 15% քեշբեք։ Ֆասթ Բանկի քարտապանները սույն թվականի մայիսի 15-17-ը Yerevan Mall-ի վաճառակետերում և ժամանցի վայրերում, բացառությամբ սննդի կետերի և Նավապետ Քիդի ժամանցի կենտրոնի, Բանկի քարտով գնումներ կատարելու դեպքում կստանան 15% քեշբեք, բայց ոչ ավելի քան 10 հազար դրամը՝ ներառյալ ՀՀ օրենսդրությամբ նախատեսված հարկերը։ Հաճախորդը գումարի հետվերադարձից կարող է օգտվել մեկ անգամ իր բոլոր քարտերով հանրագումարային գնումների դիմաց։
Քեշբեքի հնարավորությունից կարող են օգտվել Ֆասթ Բանկի բոլոր քարտապաններն անկախ քարտատեսակից։ Արտարժույթային քարտերի դեպքում իրականացված գործարքների քեշբեքի հաշվարկը կատարվելու է քարտի արժույթը փոխակերպած դրամի՝ հաշվեգրման օրվա համար սահմանված ՀՀ ԿԲ փոխարժեքով։
Հավելենք նաև, որ Yeravan Mall-ի Նավապետ Քիդի մանկական ժամանցի կենտրոնում Ֆասթ Բանկի քարտերով իրականացրած յուրաքանչյուր 5 հազար ՀՀ դրամ լիցքավորման դեպքում քարտապանին կտրամադրվի բոնուս 1000 ՀՀ դրամի չափով։
Գումարի հետվերադարձն իրականացվելու է «Family Shopping weekend»-ի ավարտից հետո մեկ ամսվա ընթացքում։ Այն հաճախորդները, ում քարտերը քեշբեքի վճարման պահին փակ կլինեն կամ իրականացրած կլինեն ապրանքի վերադարձ (refund), գումարի հետվերադարձ չեն ստանա։ Yerevan Mall-ում քեշբեքի հնարավորությամբ վաճառակետերի ցանկին և այլ մանրամասներին ծանոթանալու համար անհրաժեշտ է անցնել հետևյալ հղումով։
Ֆասթ Բանկը թվային բանկ դառնալուն միտված ընկերություն է, որը ներկայացված է Երևանում և Հայաստանի բոլոր մարզերում։
Ֆասթ Բանկը վերահսկվում է ՀՀ Կենտրոնական բանկի կողմից։
