Ոչ թե զարդարանքի համար. Ինչի՞ համար են արևային վահանակների սպիտակ գծերը
Տնտեսություն
Արևային վահանակները զննելիս կարող եք նկատել սպիտակ գծերի բնորոշ ցանց դրանց մակերեսին։ Առաջին հայացքից դա կարող է թվալ դեկորատիվ տարր, բայց այդ գծերը իրականում կարևոր դեր են խաղում, գրել է BGR-ը, գրում է unian.net–ը։ Հրապարակման մեջ նշվում է, որ արևային վահանակը ստեղծվում է մի քանի արևային ֆոտովոլտային բջիջներ միացնելով, որոնցից յուրաքանչյուրը սովորաբար պատրաստված է բոր և ֆոսֆոր պարունակող սիլիցիումի բարակ թերթերից, որոնք տեղադրված են հաղորդիչ վահանակների միջև։
Այս բջիջների մակերեսին կան երկու տեսակի ցանցային գծեր, որոնք տարբերվում են հաստությամբ։ Հրապարակման մեջ նշվում է, որ դրանք ցանկացած արևային վահանակի անբաժանելի մասն են կազմում և օգտագործվում են էներգիան վահանակից մալուխին փոխանցելու համար։ Երբ արևի լույսը հարվածում է արևային մարտկոցների սիլիցիումային թերթիկին, ֆոտոնները կլանվում են վահանակի կողմից՝ առաջացնելով ֆոտովոլտային էֆեկտ։
Արդյունքում էներգիա է առաջանում էլեկտրական հոսանքի տեսքով։ Հրապարակման մեջ ավելացվում է, որ արևային մարտկոցների կողմից արտադրվող էներգիան շարժվում է արևային մարտկոցների ցանցերով, որոնցից յուրաքանչյուրը ծառայում է որոշակի նպատակի։ Ավելի բարակ ցանցային գծերը կոչվում են «մատներ» և ծառայում են որպես էլեկտրոնների ուղիներ։
Այդ էլեկտրոնները շարժվում են «մատների» երկայնքով որպես հաստատուն հոսանք, մինչև հասնում են արևային մարտկոցի «հաղորդալարերին»։ Հաղորդալարերը ավելի հաստ ցանցային գծերն են։ Դրանք հավաքում են էներգիան, որը, ի վերջո, անցնում է ինվերտորի միջով՝ տանը օգտագործելու համար փոփոխական հոսանք առաջացնելու համար։
Հրապարակման մեջ ընդգծվում է, որ միայն փոփոխական հոսանք առաջացնելուց հետո կարող է արևային էներգիան օգտագործվել կենցաղային տեխնիկայում, քանի որ տները նախատեսված չեն հաստատուն հոսանքով աշխատելու համար։
Հայաստանում արևային պանելներ արտադրող առաջին և միակ ընկերությունը Սոլարոնն է։
Տեղադրե՛ք SolarOn արևային կայան և զրոյացրեք էլեկտրաէներգիայի ծախսը։
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Զանգահարեք 8757, 010 440055
էլ. փոստ ֊ [email protected]
