Ջենիֆեր Լոպեսը Լաս Վեգասում կայացած համերգի ժամանակ ծաղրել է նախկին ամուսնուն՝ Բեն Աֆլեքին

56-ամյա Ջենիֆեր Լոպեսը Լաս Վեգասում կայացած համերգի ժամանակ ծաղրել է նախկին ամուսնուն՝ Բեն Աֆլեքին։ Նկատելով հանդիսատեսի մեջ ոգևորված երկրպագուներից մեկին՝ նա նրան հրավիրել է բեմ՝ ասելով. «Նայեք այս տղային, մենք վերցնելու ենք նրա ամբողջ ունեցածը»։ Իմանալով, որ նրա անունը Բեն է, Լոպեսը դեմքը ծամածռել է, հեգնական ծիծաղել և երկրպագուին ուղարկել ետնաբեմ։ Տեսարանը նկարահանվել է հանդիսատեսի կողմից։ 

Հայտնում է Spletnik-ը: 

Հիշեցնենք, որ Ջենիֆեր Լոպեսը և Բեն Աֆլեքը երկար և փոթորկալից հարաբերություններ ունեին, որոնք սկսվել էին 2002 թվականին։ Նրանք նույնիսկ նշանադրվել էին, հետո խզել հարաբերությունները։ Քսան տարի անց՝ 2021 թվականին, նրանք որոշեցին վերամիավորվել և ընդամենը մեկ տարի անց ամուսնացան։ Սկզբում նրանց ընտանեկան կյանքը երջանիկ էր թվում, բայց ավելի ուշ լուրեր տարածվեցին, որ նրանք խնդիրներ ունեն. երկրպագուները սկսեցին նկատել, որ Բենը հաճախ տխուր էր երևում կնոջ կողքին, իսկ պապարացիները պարբերաբար լուսանկարում էին զույգին վեճերի ժամանակ։

Ջենիֆեր Լոպեսը ամուսնալուծության դիմում ներկայացրեց 2024 թվականի օգոստոսի 20-ին՝ նրանց ամուսնության տարեդարձին։ Ըստ ներքին աղբյուրների, Աֆլեքի հետ բաժանումը, ենթադրաբար, պայմանավորված էր փողի շուրջ կոնֆլիկտով (զույգը նախնական պայմանագիր չուներ)։ Աստղերը նաև տարբեր տեսակետներ ունեին հրապարակայնության վերաբերյալ. լուրեր էին շրջանառվում, որ Բենը հոգնել էր բեմադրված լուսանկարահանումներից և Ջենիֆերի՝ լրատվամիջոցների ուշադրության կենտրոնում լինելու ցանկությունից։