Համայնքներում արտադրությունը զարգացնելու մեծ պոտենցիալ ենք տեսնում. Նարեկ Կարապետյան
Քաղաքականություն
«Մեր երկիրը՝ մեր գյուղերը, մեր քաղաքները, աշխատատեղեր չեն կարողանալու ստեղծել, եթե սպասեն, որ ինչ-որ ներդրող գա, ներդրում անի»,- «Շանթ» հեռուստաընկերությանը տված հարցազրույցում, անդրադառնալով Հայաստանում աշխատատեղեր ստեղծելու խնդրին, ասել է «Մեր ձևով» շարժման համակարգող Նարեկ Կարապետյանը։
Նա նշել է՝ որն է իրենց առաջարկը. պետությունը պետք է մասնակցություն ունենա նախագծերին, որպեսզի արագ ձևավորվեն արդյունաբերական, ոչ արդյունաբերական ծառայությունների հիմնարկներ, որոնք կօգնեն տնտեսությանը՝ ակտիվ զարգանալ։
«Մի օրինակ բերեմ՝ 300 000 աշխատատեղերից մենք արդյունաբերության մեջ 80 000 աշխատատեղ ենք նախատեսել, որից 25 000-ը վերամշակող արդյունաբերության մեջ է՝ մետալուրգիա, նավթավերամշակում, տարբեր էլեկտրատեխնիկական արտադրություններ։ Մենք տեսնում ենք մեծ պոտենցիալ մեր համայնքներում՝ դրանց զարգացման մեջ»,- ասել է Կարապետյանը։
