Այս պահին հակառակորդը ինտենսիվ կրակ է վարում շփման գծի ամբողջ երկայնքով. Արցախի նախագահի խոսնակ
Հասարակություն
Այս պահին հակառակորդը ինտենսիվ կրակ է վարում շփման գծի ամբողջ երկայնքով: Այս մասին մամուլի ասուլիսի ժամանակ հայտարարեց Արցախի նախագահի խոսնակ Վահրամ Պողոսյանը՝ հերքելով տեղեկությունները, թե ադրբեջանական կողմը բնակավայրեր է գրավել ու հաստատելով, որ պաշտպանության բանակը լիովին վերահսկում է իրավիճակը:
Պողոսյանը հիշեցրեց, որ Արցախում ռազմական դրություն ու զորահավաք է սկսվել:
Արցախի նախագահի խոսնակը վստահեցրեց, որ այս իրավիճակը պատվով հաղթահարելու ենք՝ կոչ անելով իրականացնել համազգային մոբիլիզացիա:
Քաղաքացիների շրջանում խուճապ չկա, նրանք գտնվում են ապաստարաններում, քանի որ ամենալկտի ձևով քաղաքացիական բնակչությունը թիրախավորված է ադրբեջանական կողմից:
