Կրեմլը դրական է գնահատել Հռոմից, Փարիզից և Բեռլինից Մոսկվայի հետ երկխոսության վերաբերյալ ազդանշանները. Կրեմլի խոսնակ
Միջազգային
Կրեմլն Իտալիայից, Ֆրանսիայից և Գերմանիայից ազդանշաններ է ստացել Ռուսաստանի հետ երկխոսության անհրաժեշտության մասին և սա համարում է արևմտյան դիրքորոշումների դրական զարգացում։ Այս մասին լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը։
«Մենք նկատել ենք վերջին օրերին մի շարք եվրոպացի առաջնորդների կողմից արված հայտարարությունները, մասնավորապես՝ Փարիզից, Հռոմից և նույնիսկ Բեռլինից, որքան էլ տարօրինակ թվա, որ Եվրոպայում կայունություն ապահովելու համար մենք պետք է խոսենք ռուսների հետ։ Սա լիովին համապատասխանում է մեր տեսլականին: Եթե սա իսկապես արտացոլում է եվրոպացիների ռազմավարական տեսլականը, ապա սա նրանց դիրքորոշումների դրական զարգացում է», - ասել է Կրեմլի խոսնակը։
Կրեմլի խոսնակը հիշեցրել է, որ վերջերս եվրոպական մայրաքաղաքներից հնչում էին հայտարարություններ, որոնք լիովին բացառում էին ռուսների հետ ցանկացած երկխոսություն և խոսում էին միայն Ռուսաստանի համար ջախջախիչ պարտության անհրաժեշտության մասին։
«Մենք բարձր ենք գնահատում ամերիկացիների ջանքերը այս հարցում», - ասել է նա։
