Թրամփը բացեիբաց կոչ է անում Իրանի ցուցարարներին շարունակել իրենց բողոքի ակցիաները և փորձել գրավել պետական հաստատությունները․ Մհեր Ավետիսյան
Քաղաքականություն
Մհեր Ավետիսյանը ֆեյսբուքյան իր էջում գրել է․
Թրամփը բացեիբաց կոչ է անում Իրանի ցուցարարներին շարունակել իրենց բողոքի ակցիաները և փորձել գրավել պետական հաստատությունները, մյուս կողմից սանկցիաներ է իրականացնում Իրանի նկատմամբ՝ արդեն իսկ այլ պետություններին հորդորելով առևտուր չանել Իրանի հետ, մյուս կողմից Թրամփը հայտարարում է, որ պատրաստվում է ռմբակոծել Իրանը։
Այսինքն՝ Թրամփը, ուղիղ միջամտելով Իրանի ներքին գործերի մեջ, փաստացի Իրանի ղեկավարներին ասում է՝ եթե դուք կամովին, իմ հորդորին չլսելով, չզիջեք իշխանությունը, մենք ամեն գնով կաջակցենք և ներքին ցուցարարներին, և ուղիղ միջամտություն կցուցաբերենք Իրանի ներքին գործերին, որպեսզի ձևավորենք մեզ համար ցանկալի իշխանություններ։
Ահա այն ամենը, ինչ պետք է իմանալ արևմուտքի ցինիկ, լկտի և որևէ պետության ինքնիշխանությունը չհարգող քաղաքականության մասին։
