Նոր տեղեկություն. Ինչի՞ց է մաhացել Մարմարիկ գետում մաhացած հայտնաբերված 2-ամյա Տիգրանի հայրը

Հոկտեմբերի 25-ին մամուլում գրվեց, որ մահացել է ամիսներ առաջ անհետ կորած, ապա Մարմարիկ գետում հայտնաբերված 2-ամյա Տիգրանի հայրը՝ Նորայր Պետրոսյանը։

MediaHub-ը գրել էր, որ պարզվել է, թե ինչից է մաhացել փոքրիկ Տիգրանը Մարմարիկում։ Mediahub-ի տեղեկություններով՝ երեխայի մահը վրա է հասել ջրահեղձման հետևանքով:

Քննչական կոմիտեից հաստատեցին Mediahub-ի տեղեկությունը և նշեցին. «Համաձայն փորձաքննության եզրակացության՝ երեխան մահացել է մեխանիկական շնչահեղձությունից շնչուղիների ջրով փակվելու՝ ջրահեղձման հետևանքով»:

MediaHub-ը կապ հաստատեց Մարմարիկ համայնքի վարչական ղեկավար Արթուր Քարամյանի հետ, հասկանալու՝ ի՞նչ է կատարվում այժմ Մարմարիկում, ինչպիսի՞ իրավիճակ է այնտեղ։

«Գիտեմ, որ 2-ամյա Տիգրանի հայրը՝ Նորայր Պետրոսյանը, մահացել է ինֆարկտից, այս պահին ոչ մի արտառոց բան տեղի չի ունենում գյուղում։ Հանգիստ է, ամենը նորմալ»,- նշեց Քարամյանը։

MediaHub-ի հարցին, թե ի՞նչ են պատրաստվում անել, որ այլ դժբախտություններ չլինեն, միգուցե այդ դժբախտ պատահարի հատվածն արգելափակեն կամ ինչ-որ ձև փակեն։ Համայնքի ղեկավարը նշեց, որ այս պահին չի կարող պատասխանել մեր հարցին։

Հիշեցնենք, մայիսի 4-ին Հրազդան խոշորացված համայնքում՝ Մարմարիկ գյուղում, 2 տարեկան երեխայի էին որոնում: Փոքրիկ Տիգրանը բակում խաղալուց է եղել, ծնողները մտածել են, որ փոքրիկը տանն է քրոջ հետ, որից հետո երեխան անհետացել է:
Որոնողական աշխատանքների ընթացքում մի շարք վարկածներ էր շրջանառվում։ Շաբաթներ տևած որոնողական աշխատանքներից հետո՝ մայիսի 24-ին՝ ժամը 10։40-ի սահմաններում, ՆԳՆ փրկարար ծառայության աշխատակիցները Մարմարիկ գետում՝ Հրազդան ՋԷԿ-ի մոտակա կամրջի մոտ, հայտնաբերեցին մայիսի 4-ից որոնվող երեխայի դին։ Քննչական կոմիտեից հայտնել էին, որ Մարմարիկում հայտնաբերված 2-ամյա Տիգրանի մարմնի վրա արտաքին զննությամբ չկան վնասվածքներ, բռնության հետքեր։ Նշանակվել էր դիակի դատաբժշկական փորձաքննություն։