Ուկրաինան և Շվեդիան պայմանավորվել են մինչև 150 Gripen մարտական ինքնաթիռ մատակարարելու մասին․ Զելենսկի
Միջազգային
Ուկրաինան և Շվեդիան համաձայնության են եկել մինչև 150 Gripen մարտական ինքնաթիռ մատակարարելու հարցում, որոնցից առաջինը Կիևը նախատեսում է ստանալ հաջորդ տարի, հայտարարել է Վլադիմիր Զելենսկին։ Այս մասին հայտնում է Ռիա Նովոստին։
Շվեդիայի վարչապետ Ուլֆ Քրիստերսոնը և Զելենսկին չորեքշաբթի օրը ստորագրել են մտադրությունների մասին նամակ, որը հիմք է հանդիսանում շվեդական Gripen E կործանիչների Ուկրաինային վաճառքի համար։
Շվեդիայի վարչապետի խոսքով՝ համաձայնագիրը վերաբերում է 100-150 ինքնաթիռի, իսկ առաջին խմբաքանակը նախատեսվում է մատակարարել երեք տարի անց։
Մեկ օր անց Ստոկհոլմում Ռուսաստանի դեսպանատունը մեկնաբանել է Թագավորության կողմից Ուկրաինային Gripen E բազմաֆունկցիոնալ կործանիչներ մատակարարելու ծրագրերը՝ «ՌԻԱ Նովոստի»-ին ասելով, որ Շվեդիան ծանոթ է «անբարեխիղճ» գործարքներին՝ հիշեցնելով ռազմավարական արտադրանքի մատակարարումը պաշտոնապես չեզոք Շվեդիայից նացիստական Գերմանիային։ Դեսպանատունը հավելել է, որ Շվեդիան մշտապես եղել է Կիևի ռեժիմի զինման և հակառուսական պատժամիջոցների խստացման կողմնակիցների առաջատար դիրքերում։
