Գիտության համապետական տոնը համախմբել է շուրջ 35 000 մասնակցի

Շուրջ 35 000 այցելու մի քանի օր շարունակ մասնակիցը դարձավ համապետական գիտական տոնին. ավարտվեց «Գիտուժ» նախաձեռնության կազմակերպած «Գիտության շաբաթ. Հայաստան» փառատոնը, որի տեխնոլոգիական գործընկերը Team Telecom Armenia-ն էր:

Միջոցառումն այս տարի համախմբել էր Հայաստանի պետական, ակադեմիական, կրթական, տեխնոլոգիական ու ստեղծարար կառույցների և կազմակերպությունների առաջատար ներկայացուցիչների: Նախորդ տարվա համեմատ գրանցվել էր կրկնակի՝ շուրջ 400 դպրոց ու 120 մանկապարտեզ։ Ապակենտրոնացված միջոցառումներն այժմ էլ շարունակվում են ողջ հանրապետությունում և կավարտվեն հոկտեմբերի 20-ին:

«Որպես ազգային օպերատոր և տեխնոլոգիական ոլորտի ամենամեծ ընկերություններից մեկը՝ այս տարի ևս այս գիտական տոնի կողքին էինք: Մեր նպատակն է Հայաստանում երիտասարդների, դպրոցականների շրջանում բարձրացնել գիտության հանդեպ հետաքրքրությունն ու նպաստել ոլորտի զարգացմանը, և ուրախ ենք, որ փառատոնն այս տարի արդեն համապետական բնույթ է կրում»,-ասում է Team Telecom Armenia-ի հասարակայնության հետ կապերի բաժնի ղեկավար Գրիգորի Յուրինը:

««Գիտության շաբաթ․ Հայաստանը» տարեցտարի ավելի է մոտենում իր նպատակին՝ դառնալ Հայաստանի ամենասպասված, բովանդակալից և ստեղծարար հարթակներից մեկը։ Այն ունի կարևոր նպատակ՝ որքան հնարավոր է շատ երիտասարդների ուղղորդել դեպի գիտություն և ճարտարագիտություն, ինչպես նաև ոգեշնչել հասարակությանը՝ Հայաստանը գիտությամբ ու տեխնոլոգիաներով զարգացնելու առաքելությամբ»,-ասում է «Գիտուժ» նախաձեռնության հանրայնացման և հասարակության հետ կապերի ղեկավար Լիլիթ Մարգարյանը:

Ապակենտրոնացված միջոցառումներին ամենաակտիվ և ստեղծարար մոտեցմամբ մասնակցած պետական դպրոցը և մանկապարտեզը հատուկ մրցանակի կարժանանան «Գիտուժ» նախաձեռնության և Team Telecom Armenia-ի կողմից:

Team Telecom Armenia-ի մասին

Տելեկոմ Արմենիա ԲԲԸ-ն (ապրանքանիշը՝ Team Telecom Armenia) հայկական ընկերություն է, որը առաջատար դիրք է զբաղեցնում երկրի հեռահաղորդակցության և տեղեկատվական տեխնոլոգիաների ոլորտներում։ Հանդիսանալով Հայաստանում առաջին տելեկոմ ցանցի ժառանգորդը՝ ընկերությունը ունի ոլորտում ծառայությունների մատուցման ավելի քան 100 տարվա պատմություն։ Team-ը տրամադրում է բջջային և ֆիքսված ինտերնետի, թվային հեռուստատեսության, բջջային և ֆիքսված հեռախոսակապի ծառայություններ թե՛ անհատ, թե՛ կորպորատիվ բաժանորդներին։ Հայաստանի բոլոր բնակիչներին բարձրորակ հեռահաղորդակցության ծառայությունների մատուցումը Team Telecom Armenia-ի նպատակն է։ Դրան հասնելու համար ընկերությունն անընդհատ արդիականացնում ու վերազինում է բջջային և ֆիքսված ցանցերը, գործարկում նոր միջազգային կապուղիներ, որոնք նաև բարձրացնում են Հայաստանում ինտերնետի հուսալիության և անվտանգության մակարդակը։

Հասարակայնության հետ կապերի բաժին`pr@telecomarmenia.am