Բանգլադեշում մեկ օրում դենգեի տենդից 12 մարդ է մահացել
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Բանգլադեշում մեկ օրում դենգե տենդից մահացության ռեկորդային թիվ է գրանցվել, վերջին 24 ժամվա ընթացքում հիվանդությունից մահացել է 12 մարդ, հաղորդում է «Դաքա Թրիբյունը»։
Տարվա սկզբից դենգե տենդից մահացությունների ընդհանուր թիվը հասել է 179-ի։ Երկրի առողջապահական հաստատություններում բուժվում է ավելի քան 2000 մարդ։ Մահացությունները տարածված են տարբեր շրջաններում։ Տարվա սկզբից վարակների թիվը գերազանցել է 48000-ը։
Բժշկական փորձագետները զգուշացնում են, որ իրավիճակը վատթարանում է ավելի արագ, քան 2024 թվականին, երբ Բանգլադեշում դենգե տենդից մահացել էր 575 մարդ։ Մասնագետները կոչ են անում ակտիվ միջոցներ ձեռնարկել տենդը փոխանցող մոծակների պոպուլյացիան վերահսկելու համար։ Նրանք նաև ընդգծում են առողջապահական հաստատությունների պատրաստվածության բարձրացման անհրաժեշտությունը՝ մեծ թվով հիվանդների հետ աշխատելու համար։
Դենգե տենդը տարածված է արևադարձային և մերձարևադարձային կլիմա ունեցող երկրներում։ Վիրուսը փոխանցվում է էգ մոծակների միջոցով։ Առողջապահության համաշխարհային կազմակերպությունը (ԱՀԿ) նշում է, որ վերջին տարիներին դենգեն արագ տարածվող վարակ է դարձել ԱՀԿ-ի բոլոր տարածաշրջաններում։ Դեպքերի թիվը տարեկան գնահատվում է 100-400 միլիոն։ Կազմակերպության տվյալներով՝ դեպքերի ավելի քան 80%-ը մեղմ կամ ասիմպտոմատիկ են։ Սակայն, վիրուսը կարող է առաջացնել սուր շնչառական հիվանդություն, որը կարող է վերաճել պոտենցիալ մահացու բարդության։
Հետևեք մեզ՝ այստեղ
