Նեպալում ոստիկանությունը կրակ է բացել ցուցարարների վրա. 8 մարդ զոհվել է
Միջազգային
Նեպալի մայրաքաղաքում զանգվածային բողոքի ցույցեր են սկսվել հայտնի սոցիալական ցանցերի (ներառյալ Facebook-ը, X-ը և YouTube-ը) արգելքի դեմ, որը իշխանությունները սահմանել էին հարթակների երկրում գրանցվելուց հրաժարվելու պատճառով:
Տեղական լրատվամիջոցների տվյալներով՝ ոստիկանությունը կրակ է բացել խորհրդարանի շենքի մոտ հավաքված ամբոխի վրա՝ սպանելով առնվազն ութ մարդու և վիրավորելով տասնյակների, հաղորդում է AP-ն:
Հազարավոր ցուցարարներ փորձել են ճեղքել արգելապատնեշները և շրջապատել խորհրդարանը: Ոստիկանությունը կիրառել է արցունքաբեր գազ և ջրցան մեքենաներ, սակայն, ի վերջո, ստիպված են եղել նահանջել: Խորհրդարանի, նախագահական նստավայրի և վարչական շենքերի տարածքում սահմանվել է պարետային ժամ:
Նեպալի իշխանությունները պնդում են, որ մոտ երկու տասնյակ սոցիալական ցանցերի, այդ թվում՝ Facebook-ի, X-ի և YouTube-ի արգելափակումը կապված է պաշտոնապես գրանցվելուց և տեղական օրենքներին չհամապատասխանելուց հրաժարվելու հետ: Քննադատները այս միջոցառումները համարում են խոսքի ազատությունը սահմանափակելու և ինտերնետի նկատմամբ վերահսկողությունը խստացնելու փորձ:
