Արտակարգ դեպք. մեքենայի մեջ հայտնաբերվել է անգիտակից տղամարդ
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Երեկ՝ օգոստոսի 28-ին, ՀՀ Ներքին գործերի նախարարության ոստիկանության պարեկային ծառայության Արագածոտնի մարզի գումարտակի 2-րդ վաշտի 2-րդ դասակի պարեկներ Վաչագան Մանուկյանն ու Տիգրան Բարսեղյանը ժամը 22:40-ի սահմաններում ծառայություն կատարելիս նկատել են Քուչակ - Հարթավան ավտոճանապարհի մեջտեղում «Mitsubishi» մակնիշի ավտոմեքենա։
Ինչպես հայտնում է ֆոտոլրագրող Գագիկ Շամշյանը, պարեկները մոտենում են ավտոմեքենային, որը կայանված է լինում ճանապարհի մեջտեղում՝ երթևեկելի գոտում, նկատում են, որ ավտոմեքենայի մեջ վարորդը չի արձագանքում իրենց։ Մոտենում են նաև մի քանի քաղաքացիներ։
Պարեկները, տեսնելով որ քաղաքացու ինքնազգացողությունը վատ է, ոչ մի հարցի չի պատասխանում ու գունատ է, քաղաքացիների օգնությամբ վարորդին տեղափոխում են իրենց ծառայողական ավտոմեքենան, ապա պարեկները նրան հասցնում են «Ապարան» բժշկական կենտրոն։
Տեղում բժիշկները նրան տեղափոխում են վերակենդանացման բաժանմունք, քանի որ գտնվում էր ծայրահեղ ծանր վիճակում։
SHAMSHYAN.com-ի թղթակցի հետ զրուցում Ապարանի բժշկական կենտրոնից ասում էին.
«Տղամարդը բավականին շատ ծանր վիճակում էր գտնվելիս եղել ու եթե ժամանակին նրան չտեղափոխեին հիվանդանոց, հնարավոր է նրա կյանքը չհաջողվեր փրկել ։ Ճիշտ է այս պահին էլ նա գտնվում է մեր հսկողության տակ, բայց դեռ երկար բուժում է սպասվում նրան։ Լավ է , որ պարեկներն ու քաղաքացիները շուտ նկատել են ու նրան տեղափոխել են մեզ մոտ, հակառակ դեպքում հնարավոր չէր լինի նրա կյանքը փրկել»։
Հետևեք մեզ՝ այստեղ
