1-4 դասարանների աշակերտներն անվճար սնունդ կստանան Երևանում․ հայտնի է ժամկետը
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Որոշ մարզերի դպրոցների տարրական դասարանների աշակերտներին տրամադրվում է անվճար սնունդ։ Միանշանակ սա շատ ուրախալի է ծնողների համար:
MediaHub-ի տեղեկություններով՝ հաջորդ ուսումնական տարում այդ նախագիծը պիլոտային կերպով կներդրվի նաև Երևանի որոշ դպրոցներում։
Մեզ դիմած ծնողներն անհամբեր սպասում են, թե ե՞րբ է այդ ծրագիրն աշխատելու նաև Երևանում։ «Շատ լավ ծրագիր է, բավականին գումար է ծախսվում բուֆետներից օգտվելու համար, այժմ այդ հարցը կարող է լուծվել։ Ամեն դեպքում սպասում ենք, որ այս տարի դա աշխատի բոլոր դպրոցներում՝ թե՛ մարզերում, թե՛ Երևանում»,– նշեց ծնողը։
MediaHub-ը դիմեց ԿԳՄՍ նախարարի խոսնակ Նելլի Վահանյանին հասկանալու՝ արդյո՞ք Երևանում 1-4 դասարանների աշակերտներն անվճար սնունդ կստանան 2026 թվականից, թե՞ 2025թ․–ի սեպտեմբերի 1-ից, և արդյո՞ք բոլոր մարզերում գործում է այս ծրագիրը: «Այս պահին ՀՀ բոլոր 10 մարզերի շուրջ 105.000 1-4-րդ դասարանի աշակերտներ և մոտ 30.000 նախակրթարանների սաներ ստանում են անվճար սնունդ։ Երևանում, որտեղ ծրագիրը դեռ փուլային է, 2026 թ. հունվարից 10 դպրոցում կգործարկվի տաք սննդի տրամադրման փորձնական ծրագիր։ Նախապատրաստական աշխատանքներն արդեն ավարտվել են»,– նշեց Վահանյանը։
Նա հավելեց, որ սեպտեմբերից այս ցուցակը կընդլայնվի՝ ներառելով 24 դպրոց։ Մնացած 125 դպրոցներում, ըստ Վահանյանի, վերանորոգման և վերազինման աշխատանքները կշարունակվեն՝ պիլոտային ծրագրի ընթացքին զուգահեռ։
Մարիաննա Արամյան
Հետևեք մեզ՝ այստեղ
