Ձնոցի և փրփուր փարթի․ ինչպե՞ս է Երևանում նշվելու Վարդավառը
Հասարակություն
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հուլիսի 27-ին նշվելու է քրիստոնեական տաղավար տոներից մեկը՝ Վարդավառը։ Տոնական օրվա ընթացքում ի՞նչ միջոցառումներ են անցկացվելու մայրաքաղաքում. MediaHub-ը փորձեց պարզել Երևանի քաղաքապետարանից։
Ի պատասխան մեր հարցի՝ Երևանի քաղաքապետի մամուլի խոսնակ Հայկ Կոստանյանը պատասխանեց՝ ժամը 13։00-ից մինչև 18։00-ն «Երևանի գեղասահքի և հոկեյի մարզադպրոց» ՀՈԱԿ-ում Վարդավառի տոնի կապակցությամբ կազմակերպվելու է ամենամյա դարձած «Ձնոցի» մեծ և գունեղ միջոցառումը։
«Ավանդական ջրոցիից բացի սպասվելու է ձնոցի և ձնագնդի, փրփուր փարթի, ակվագրիմ և DJ-ի նվագակցություն»,- նշեց Կոստանյանը։
Բացի դրանից, յուրաքանչյուր վարչական շրջան առանձին կազմակերպելու են տոնական միջոցառումներ, որոնց մասին ավելի ուշ հաղորդագրություն կտարածվի։
Վարդավառը հայկական ավանդական տոների շարքում ամենասիրելիներից մեկն է, ամառային ամենասիրված տոնը։ Քաղաքներում Վարդավառն ավելի շատ համարվում է մանկական տոն, երեխաները հենց այդպես էլ ասում են «ջրոցի խաղալ» կամ «Վարդավառ խաղալ», այսինքն՝ ուրախ ջրել անծանոթներին և անցորդներին։
Հետևեք մեզ՝ այստեղ
