«Նյուքասլ Յունայթեդը» 150 միլիոն ֆունտ ստերլինգ է պահանջում Ալեքսանդր Իսակի համար

Անգլիական «Նյուքասլ Յունայթեդը» Շվեդիայի հավաքականի հարձակվող Ալեքսանդր Իսակի տրանսֆերի համար պահանջում է 150 միլիոն ֆունտ ստերլինգ, հաղորդում է talkSPORT-ը։

25-ամյա ֆուտբոլիստի ծառայություններով հետաքրքված է Անգլիայի չեմպիոն «Լիվերպուլը», որը առաջարկել է 120 միլիոն ֆունտ ստերլինգ, սակայն մերժում է ստացել։

Անցած մրցաշրջանում Ալեքսանդր Իսակը մասնակցել է 42 հանդիպման, խփել է 27 գոլ, կատարել 6 գոլային փոխանցում։ Նրա պայմանագիրը «Նյուքասլ Յունայթեդի» հետ նախատեսված է մինչեւ 2028թ․ հունիս։

Transfermarkt-ը նրա տրանսֆերային արժեքը գնահատում է 120 միլիոն եվրո։