Հայաստանը կարող է սուբսիդավորել մարտկոցներով արևային կայանների ծրագիրը

Հայաստանի կառավարությունը քննարկում է մարտկոցներով հագեցած արևային կայանների սուբսիդավորման ծրագիր: Այս մասին հայտարարել է ՀՀ տարածքային կառավարման և ենթակառուցվածքների նախարար Դավիթ Խուդաթյանը՝ ներկայացնելով 2024 թվականի պետական բյուջեի կատարման մասին կառավարության հաշվետվության իր մասը:

Նախարարի կարծիքով՝ միաժամանակ ցանկալի է հրաժարվել առանց մարտկոցների արևային կայանների սուբսիդիաներից: Չնայած արևային էներգիայի բոլոր առավելություններին, պետք է հաշվի առնել, որ դրա արտադրությունն անկայուն է (կախված օրվա ժամերից և եղանակային պայմաններից): Սա մեծացնում է էներգահամակարգի տատանումները և բարդացնում դրա կառավարումը, պարզաբանել է Խուդաթյանը:

Ինչպես նշել է նախարարը, նման մարտկոցներն ունեն իրենց դժվարությունները, ներառյալ բարձր արժեքը, ինչը կայանների ինքնարժեքի վերականգնման ժամկետը 5-7 տարուց հասցնում է 20-21 տարվա: Մյուս կողմից, դրանց տեղադրումն ու շահագործումը կարող է երկրում ստեղծել նոր տեխնիկական կարողություններ և նոր ուղղություն տալ արևային էներգետիկայի զարգացմանը:

Հիշեցնենք, որ հունիսի 1-ի դրությամբ Հայաստանի ողջ տարածքում արևային կայանների ընդհանուր հզորությունը կազմել է մոտ 870 մեգավատ: Վերոնշյալ սուբսիդիայի նպատակն այն է, որ արդյունաբերական մասշտաբի կայանները, միանալով ցանցին, 20 տարի շարունակ երաշխավորված կերպով վաճառեն իրենց արտադրած ամբողջ էներգիան ցանցին:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք  SolarOn արևային կայան և զրոյացրեք էլեկտրաէներգիայի ծախսը։

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ Info@solaron.am