Լրագրողի մասնագիտական գործունեությանը խոչընդոտելը և նրա հանդեպ կոշտ ֆիզիկական բռնություն գործադրելը հանցագործություն է․ Մենուա Սողոմոնյան

Մենուա Սողոմոնյանը ֆեյսբուքյան իր էջում գրել է․ 

Զորակցությունս եմ հայտնում լրագրող Մերի Մանուկյանին, ով այսօր, իր մասնագիտական գործունեությունն իրականացնելիս, բռնության է ենթարկվել կարմիր բերետավոր ոստիկանի կողմից։

Լրագրողի մասնագիտական գործունեությանը խոչընդոտելը և նրա հանդեպ կոշտ ֆիզիկական բռնություն գործադրելը հանցագործություն է՝ քրեական օրենսգրքով սահմանված, և այդ արարքի համար ոստիկանին միայն աշխատանքից ազատելը հավասարազոր է հանցագործությունը կոծկելուն։

Հերթական անգամ կարող ենք արձանագրել, որ գործող վարչախումբը արտոնում է բռնությունը ազատ խոսքի նկատմամբ։