Հունիսի 19-ին արցախցիները բողոքի ակցիա կիրականացնեն
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ՀՀ Կառավարության դիմաց հունիսի 19-ին արցախցիները կկազմակերպեն բողոքի ակցիա: Արցախցիները նշում են, որ Կառավարությունն ամիսներ առաջ բնակապահովման ծրագրում խոստացած բարեփոխումները չի կատարել:
«Կառավարությունն ամիսներ առաջ խոստացավ բարեփոխումներ անել բնակապահովման ծրագրում, սակայն մինչ այսօր արված փոփոխությունները չնչին են։
Այդ ամենին զուգահեռ դադարեցվել է նաև բնակվարձի փոխհատուցման ծրագիրը, ինչի հետևանքով շատերը կրկին կանգնել են փողոցում հայտնվելու վտանգի առաջ։
Սա ուղիղ ճանապարհ է դեպի նոր արտագաղթ։ Իսկ եթե սկսվի այդ գործընթացը, ապա կդադարի նաև մեր հավաքական հետ վերադարձի և մնացած բոլոր հիմնարար իրավունքների պահանջը»,- համոզված է «Վերադարձ» հասարակական կազմակերպության նախագահ Անաստաս Իսրայելյանը:
Արցախցի հասարակական-քաղաքական գործիչը նշում է, որ այլևս ժամանակ ու հավատք չկա՝ նոր խոստումներ լսելու կամ բանակցությունները երկարաձգելու համար:
Պետք է վճռական պահանջ ներկայացնենք իշխանություններին՝ շարունակել բնակվարձի փոխհատուցումն այնքան ժամանակ, քանի դեռ բնակապահովման համակարգում իրական, էական փոփոխություններ չեն արվել։ Ես ինքս ինձ խոստացել եմ՝ իմ կյանքի ապրելու մնացած տարիները նվիրել Արցախին և արցախցու իրավունքների պաշտպանությանը։
Մեր ամենաթանկը կորցնելուց հետո մենք այլևս իրավունք չունենք վախենալու կամ տատանվելու։ Հունիսի 19-ին, ժամը 11:00-ին, հավաքվում ենք ՀՀ կառավարության դիմաց՝ բարձրացնելու մեր օրինական, վճռական պահանջը։ Ու ամեն մի մտահոգված հայ մարդու մասնակցությունն այս օրը և այս ցավալի հարցերի շուրջ կարևոր է:
Միացի՛ր, սա մենակ արցախցու խնդիրը չէ, սա ամբողջ հայ ժողովրդի պատասխանատվությունն է։ Չենք թողնի մեզ նորից խաբեն ու նորից դարձնեն ստի և կեղծիքի զոհ: Պայքար հանուն հայ մնալու ու հայ ապրելու:
Պայքար հանուն մեր իրավունքների ու առժանապատվության։
Մենք միասնական մի ազգ ենք ու մի մեծ անվան տակ՝ ՀԱՅ»:
Հետևեք մեզ՝ այստեղ
