Ռաուլը հեռացել է «Ռեալից»
Սպորտ
Մադրիդի «Ռեալի» պահեստային թիմի՝ «Կաստիլիայի» գլխավոր մարզիչ Ռաուլը որոշել է լքել ակումբը: Այս մասին հայտնում է ակումբի մամուլի ծառայությունը։
47-ամյա Ռաուլը «Կաստիլիայում» աշխատել է 2019 թվականից։
«Ռեալը» հպարտ է, որ մեր թիմի և երիտասարդական ակադեմիայի մարզիչը եղել է ակումբի և համաշխարհային ֆուտբոլի պատմության մեծագույն խաղացողներից մեկը։ Ռաուլը հավերժ կմնա «Ռեալի» բոլոր երկրպագուների սրտերում, և ակումբը միշտ կլինի նրա տունը։ «Ռեալը» մաղթում է Ռաուլին և նրա ընտանիքին ամենայն բարիք կյանքի այս նոր փուլում, – նշված է հաղորդագրությունում։
«Ռեալի» հիմնական թիմի գլխավոր մարզիչ է նշանակվել Ռաուլի նախկին խաղընկերն Իսպանիայի հավաքականում՝ Խաբի Ալոնսոն, ով փոխարինել է Կառլո Անչելոտիին։
Ռաուլը «Ռեալում» հանդես է եկել 1994-ից 2010 թվականը։ Այդ ընթացքում նա վեց անգամ դարձել է Իսպանիայի չեմպիոն, չորս անգամ՝ Իսպանիայի Սուպերգավաթակիր, երեք անգամ հաղթել է Չեմպիոնների լիգայում, նվաճել է ՈւԵՖԱ-ի Սուպերգավաթը և երկու անգամ՝ Միջմայրցամաքային գավաթը։
