Փոխնախարարի նոր որոշումը. դպրոցների հետ կապված. դպրոց կգնան բոլորը բացի առաջին դասարանցիները
ՀասարակությունՈւսումնական գործընթացը մեկնարկելու է սեպտեմբերի 15-ից, բացառությամբ՝ առաջին դասարանցիների, որոնց համար այն մեկնարկելու է սեպտեմբերի 14-ին: Այս մասին, այսօր՝ օգոստոսի 26-ին, լրագրողների հետ հանդիպման ժամանակ նշեց ԿԳՄՍ նախարարի տեղակալ Ժաննա Անդրեասյանը:
Նրա խոսքով, առաջին դասարանցիներին կարող է ուղեկցել միայն մեկ անձ՝ հաշվի առնելով ընդհանուր հակահամաճարակային իրավիճակը. «Յուրաքանչյուր դպրոցում նշանակվել է կորոնավիրուսի հսկողության պատասխանատու: Նա պատասխանատու է լինելու կանոնների պահպանման համար: Ի պաշտոնե պատասխանատուն դպրոցի տնօրենն է»:
Անդրեասյանը հավելեց, որ բոլոր նախապատրաստական աշխատանքները պետք է իրականացվեն մինչեւ դասապրոցեսի սկսվելը՝ գծանշումներ եւ այլն:
Փոխնախարարը կարեւորեց նաեւ, բուժքույրերի ներգրավվածությունը, անհրաժեշտ պաշտպանիչ միջոցների, ախտահանող նյութերի առկայությունը:
Անհրաժեշտ ծախսերը կատարելու են դպրոցները՝ իրենց խնայողությունների հաշվին, սակայն կլինեն նաեւ պետական հավելյալ միջոցներ, ինչի արդյունքում դպրոցները կապահովվեն բոլոր անհրաժեշտ միջոցներով:
Անդրեասյանը խոսեց նաեւ գծանշումների, շարժի կարգավորման մասին՝ նշելով, որ պետք է առավելագույնը նվազեցնել շփման ինտենսիվությունը. «Դրանիցից են դպրոցի բոլոր մուտքերի օգտագործումը, դասարանների համար այդ մուտքերի առանձնացումը, ըստ դասասենյակի մոտ գտնվելու հանգամանքի»:
