Հայրենիքի պաշտպանությունից փախած պետական դավաճաննե՛ր, մնացե՛ք ձեր պադվալներում և ձեր կանանց յուբկաների տակ ու․․․Խաչիկ Ասրյան
Քաղաքականություն
Հայրենիքի պաշտպանությունից փախած պետական դավաճաննե՛ր, մնացե՛ք ձեր պադվալներում և ձեր կանանց յուբկաների տակ ու․․․
«Հայաստանը խորը ճգնաժամից դուրս բերելու» ծրագիր ունեցող քաղաքական ավանտյուրիստնե՛ր, քաղաքական խոպանչինե՛ր, գիտենք, որ բոլոր ժամանակներում Հայաստանում քաղաքականությամբ զբաղվելը ձեզ համար բիզնես է, այսինքն՝ փող եք աշխատում, բայց, մի՞թե դուք այդքան այլասերված եք, որ, 44-օրյա պատերազմից փախչելով (ձեր նողկալի կյանքը փրկելով), հիմա ձեր քաղաքական գործունեության հիմքը դարձրել եք Հայաստանի և Հայ ժողովրդի պաշտպանության ու անվտանգության ապահովումը:
Մի՞թե դուք այդքան անբարոյական եք, որ, 44-օրյա պատերազմից փախչելով ու թաքնվելով ձեր պադվալներում, ձեր կանանց յուբկաների տակ, պատերազմից հետո կարող եք խոսել Հայաստանի և Հայ ժողովրդի պաշտպանության ու անվտանգության ապահովման մասին:
Բա, ո՞ւր էիք, երբ 2020 թվականի սեպտեմբերի 27-ին հայատյաց Ադրբեջանը հարձակվեց մեր Սուրբ Արցախի և մեր Սուրբ Հայաստանի վրա. հը՞: Թե՞ սպասում էիք, որ պատերազմն ավարտվի, որպեսզի է՛լ ավելի մեծ թափով շարունակեք ձեր քաղաքական ավանտյուրաները և զարգացնեք ձեր բիզնեսը:
Հայրենիքի պաշտպանությունից փախած պետական դավաճաննե՛ր, այս ի՞նչ հայրենասիրական պաթոսներով ինքնաձայնագրված տեսանյութեր և հոդվածներ եք հրապարակում, Հայրենիքի փրկության մասին «ակադեմիական» վերլուծություններ եք կատարում, Հայոց եռագույնն ու զինանշանը պատկերող մայկաներ ու զինվորական բուշլաթներ հագած հարցազրույցներ եք տալիս, ստատուսներ գրում, ժողովներ, համագումարներ եք կազմակերպում, Սուրբ Եռաբլուր պանթեոն եք այցելում. ինչի՞ համար: Ուզում եք ասել, որ դուք հայրենասե՞ր եք, մտահո՞գ եք Հայաստանի և Հայ ժողովրդի պաշտպանության ու անվտանգության ապահովմամբ. հա՞:
Ա՛յ ճիճուներ, իսկական հայրենասերները քաղաքական ավանտյուրաներով, քաղաքական ինքնագովազդներով, քաղաքական խոպանչիությամբ երբեք չեն զբաղվում, նրանք իրենց ընտանիքների և իրենց Հայրենիքի դեմ թշնամու կողմից սանձազերծված պատերազմից երբեք չեն փախչում ու ձեզ պես երբեք չեն թաքնվում իրենց պադվալներում կամ իրենց կանանց յուբկաների տակ, այլ գիտակցված, կամավոր գնում են սահմանագիծ - առաջնագիծ և իրենց կյանքի գնով պաշտպանում Հայրենիքն ու իրենց ընտանիքները:
Նա, ով պատրաստ չէ իր կյանքը միշտ զոհաբերել հանուն ամբողջական Հայաստանի և Հայ ժողովրդի պաշտպանության ու անվտանգության ապահովման, ավելին՝ իր կյանքը փրկելու համար ուղղակի փախել է 44-օրյա պատերազմից, նա երբեք չի կարող խոսել Հայաստանի և Հայ ժողովրդի պաշտպանության ու անվտանգության ապահովման մասին, ինչպես նաև, նա երբեք չի կարող խոսել Հայաստանի ու Հայ ժողովրդի անունից, առավել ևս հավակնել ՀԱՅԱՍՏԱՆԸ ՂԵԿԱՎԱՐԵԼՈւՆ:
Հիմա հասկանո՞ւմ եք, թե ովքեր եք դուք, Հայրենիքի պաշտպանությունից փախած պետական դավաճաննե՛ր, քաղաքական ավանտյուրիստնե՛ր, քաղաքական խոպանչինե՛ր:
Մնացե՛ք ձեր պադվալներում և ձեր կանանց յուբկաների տակ ու դողդողալով սպասե՛ք ձեզ վերաբերող իմ որոշումներին և հրամաններին։
«Հայոց Արծիվներ. Միասնական Հայաստան» կուսակցության Նախագահ,
«Հայոց Արծիվներ» կամավորական մարտական ջոկատի Հրամանատար,
44-օրյա, Ապրիլյան և Արցախյան պատերազմների կամավոր մասնակից,
«Մարտական Խաչ» 1-ին աստիճանի շքանշանակիր,
Գնդապետ Խաչիկ Ասրյան
