Հորոսկոպ. նոր 15-ամյա ժամանակաշրջան կենդանակերպի բոլոր նշանների համար

Մարտի 30-ին Նեպտունը դուրս է եկել Ձկան նշանից եւ մտել Խոյի նշան։ Նեպտունը դանդաղ մոլորակ է, դրա շրջապտույտը կենդանակերպի մեկ նշանում գտնվելիս կազմում է 14 տարի, նշանակում է՝ Նեպտունը վերջին անգամ Խոյում եղել է 168 տարի առաջ։ Մոլորակի անցումն այլ նշան նշանակում է նոր շրջապտույտի սկիզբ՝ 15 տարի տեւողությամբ, որում նոր էներգիաներ կլինեն։

Նեպտունը կերպարների եւ ողջ ոչ նյութականի մոլորակն է՝ հոգեւորի, ստեղծագործության, արվեստի, ոգեշնչման, ինքնաճանաչման, ինտուիցիայի, երեւակայությունների, ինքնախաբկանքի եւ պատրանքների։ Միավորվելով Խոյի կրակե նշանի հետ՝ Նեպտունն ուժեղացնում է իր բնութագրերը՝ դրանց վճռականություն, համարձակություն, խիզախություն եւ նախաձեռնողականություն ավելացնելով։

Ներկայացնում ենք, թե ինչպես է Նեպտունի անցումը Խոյի նշան ազդում կենդանակերպի յուրաքանչյուր նշանի վրա։

Խոյ

Դուք միջոցառման հերոսներն եք։ Առաջիկա 15 տարիների ընթացքում ձեր կյանքում ամենակարեւորը լինելու եք դուք, ձեր անհատականությունը, ձեր ցանկությունները, նպատակները, ձգտումներն ու արժեքները: Երբ բախվում եք դժվարին ընտրության, կենտրոնացեք ձեր սեփական ցանկությունների վրա: Զոհողականության ժամանակն անցել է, եւ ժամանակն է գնահատելու եւ սիրելու ինքներդ ձեզ, նախ եւ առաջ հոգ տանելու սեփական բարեկեցության մասին: Դուք բավականաչափ բան արել եք աշխարհի, ձեր սիրելիների, ընկերների, զուգընկերոջ, երեխաների եւ շրջապատի բոլոր մարդկանց համար: Այժմ ժամանակն է ձեր հայացքը դեպի ներս եւ ձեր սեփական բարեկեցություն ուղղել։

Ցուլ

Հոգեւոր հարցերը մի անտեսեք։ Սա ավարտի, անցյալի վերաբերմունքից հրաժարվելու եւ կյանքի նոր փուլին նախապատրաստվելու շրջան է: Դասավորեք ձեր կյանքն այնպես, ինչպես կկարգավորեիք ձեր զգեստապահարանը. վերանայեք ձեր վերաբերմունքը յուրաքանչյուր մարդու նկատմամբ: Բաց թողեք այն, ինչը գերազանցել է իր օգտակարությունը: Մաքրեք ձեր ֆիզիկական եւ հոգեւոր տարածքը նոր էներգիա ստանալու համար: Եթե մտածել եք արտագաղթի մասին, ապա լավ ժամանակ է։

Երկվորյակներ

Մի ներփակվեք: Սկսվում է մի ժամանակաշրջան, երբ ձեր կապերն ու աշխարհի հետ շփումը կբերեն ամենամեծ արդյունքներն ու հաջողությունները։ Սպասեք հաղթանակների այնտեղ, որտեղ շփումն ակտիվ է՝ ընկերների, համախոհների եւ մարդկանց մեծ խմբերի միջեւ։ Բացի այդ, մտցրեք ավելի շատ ստեղծագործություն ձեր կյանք եւ մի վախեցեք երազել եւ նոր նպատակներ դնել:

Խեցգետին

Ժամանակն է կենտրոնանալ ոչ միայն տնային ու ընտանեկան խնդիրների, այլեւ կարիերայի վրա: Ձեր կարգավիճակը հասարակության մեջ եւ մասնագիտականհաղթանակները պետք է առաջնահերթություն դառնան մոտ ապագայում։ Հնարավոր է մասնագիտության փոփոխություն, մի վախեցեք, դա հաջողություն կբերի։

Առյուծ

Հրաշալի շրջան ճամփորդելու, շարժվելու, մտահորիզոններն ընդլայնելու, կրթություն ստանալու եւ հոգեւոր ուսուցիչ գտնելու համար։ Մի նստեք տեղում, ակտիվ եղեք այն ամենում, ինչը ձեզ համար նոր փորձառություններ է բերում:

Կույս

Ժամանակահատվածը կապված կլինի ֆինանսների, հատկապես այլ մարդկանց ֆինանսների, գործընկերների, բանկերի եւ այլ կազմակերպությունների հետ: Եղեք համբերատար եւ համառ, քանի որ ձեզ կարող են ճգնաժամեր սպասել։ Ձեր արձագանքը դրանց կորոշի, թե արդյոք դրանք հեշտությամբ կհաղթահարվեն: Հրաժարվեք իմպուլսիվությունից եւ վերլուծեք ձեր գործողությունները, այնուհետեւ պատրաստ կլինեք դրանց հետեւանքներին։ Խնդրում ենք նկատի ունենալ, որ հին սցենարներն այլեւս չեն գործում, սկսվում է տրանսֆորմացիայի շրջան։

Կշեռք

Ժամանակաշրջանի գլխավոր թեման կդառնան այլ մարդկանց հետ հարաբերությունները։ Անկախ նրանից, թե դա ընտանիք է, ընկերություն, սիրավեպ կամ բիզնես: Դուք եւ այլ մարդիկ առաջնահերթ եք: Վերանայեք, թե ինչպես եւ ում հետ եք շփվում, ումով եք ձեզ շրջապատում: Բաց թողեք պատրանքները եւ ակտիվ քայլեր ձեռնարկեք, որպեսզի շրջապատող աշխարհի հետ շփումը դրական լինի ձեզ համար:

Կարիճ

Աշխատանքն ու առողջությունը գալիք տարիների երկու մեծ թեմա են։ Վերանայեք ձեր առօրյան, ամենօրյա ժամանակացույցը եւ ռեժիմը, դրանք ավելի ուժեղ՝ ֆիզիկական եւ հոգեբանական ազդեցություն կունենան ձեր բարեկեցության վրա, քան նախկինում: Մի վախեցեք աշխատանքի հետ կապված փոփոխություններից, հավասարակշռություն գտեք ներսում, իսկ հավասարակշռությունը չկորցնելու համար ամրացրեք հողը ձեր ոտքերի տակ։

Աղեղնավոր

Պատասխանատվությամբ լի դժվարին շրջանից հետո դուք կարող եք թեթեւացած զգալ, քանի որ այս շրջանը ձեր կյանք կբերի ավելի շատ սեր, ստեղծագործություն, ուրախություն եւ արկածներ: Բաց եղեք ամեն նորի համար եւ մի մերժեք հետաքրքիր հնարավորություններն ու ծանոթությունները։

Այծեղջյուր

Ընտանիք, ծնողներ, բնակության վայր՝ այս ամենը ձեզ կմտահոգի այս ընթացքում։ Եթե երազել եք տեղափոխվել, ուրեմն բախտը ձեր կողքին է։ Անշարժ գույքի հետ կապված ցանկացած խնդիր հեշտությամբ եւ դրական լուծում կստանա։ Օգտագործեք այս ժամանակը, որպեսզի ստեղծեք այնպիսի պայմաններ, որոնցում դուք իսկապես լավ կզգաք ինչպես ֆիզիկապես, այնպես էլ հոգեպես:

Ջրհոս

Այս ընթացքում շատ ճանապարհորդություններ կլինեն։ Սպասեք փոփոխությունների՝ կապված ձեր եղբայրների եւ քույրերի հետ: Հիշեք, որ ցանկացած փոփոխություն դեպի լավն է տանում, ուստի ձեր էներգիան ուղղեք նոր բան սովորելուն եւ նոր գիտելիքներ ու հմտություններ կուտակելուն, դրանք հետագայում կհեշտացնեն ձեր կյանքը։

Ձկներ

Նեպտունը դուրս է եկել ձեր նշանից, ուստի անձնական «ես»-ի թեման փոխարինվում է փուլով, որտեղ դուք պետք է ձեր ամբողջ ուշադրությունը կենտրոնացնեք ֆինանսների, եկամտի աղբյուրների, արժեքների եւ ինքնագնահատականի վրա: Գումար աշխատելու հետաքրքիր հնարավորությունների կհանդիպեք, մի հրաժարվեք, նոր բաներ փորձեք, դրան մոտեցեք պրագմատիզմով։ Հանգամանքները կարող են փոխել ձեր վերաբերմունքը փողի նկատմամբ։

Բոլոր նշանները պետք է հիշեն, որ Նեպտունը գործում է դանդաղ, դուք չպետք է վազեք՝ գլուխ կոտրելով, բայց եւ անկյունում նստած մնալ էլ չի հաջողվի։ Փոփոխությունները կգան աստիճանաբար, բայց վառ, ձեզանից կպահանջվեն վճռականություն եւ նախաձեռնությունը սեփական ձեռքը վերցնելու պատրաստակամություն։