Խաչատուր Սուքիասյանին դատի կտան
Քաղաքականություն
ԱԺ «Քաղաքացիական պայմանագիր» խմբակցության պատգամավոր Խաչատուր Սուքիասյանի վերահսկողության տակ գործող «վայ-ԶԼՄ-ները» վերջին շաբաթներին անդադար ատելության խոսք են գեներացնում արցախցիների հասցեին, հնչում են նույնիսկ արցախցիներին վտարելու, ֆիզիկական հաշվեհարդարների կոչեր, իսկ Սուքիասյանի ենթակայությամբ աշխատող լրագրողները ներողության և ապաշխարանքի խոսքերի փոխարեն ավելի են սրում ներազգային թշնամանքը։
Եթե նախկինում կարելի էր եզարակացնել, թե քպական պատգամավորը տեղյակ չէ, նախօրեին նրա տված հարցազրույցից հետո այլևս պարզ է, որ ի դեմս Խաչատուր Սուքիասյանի, արցախցիների նկատմամբ ատելության նոր գեներատոր ունենք։ Իր հարցազրույցում Սուքիասյանը վիրավորական, ընդհուպ՝ ռասիստական հայտարարություններ է արել արցախցիների հասցեին։ Մի խումբ հասարակական կազմակերպություններ որոշել են դատի տալ քպական պատգամավորին։ Ընդ որում, այդ կազմակերպությունների թվում ոչ միայն արցախյան կառույցներ են, այլև, այսպես կոչված, սորոսական ՀԿ-ներ, քանի որ լիբերալ հասարակությունն էլ ցնցված է քպականի վարքից։
Մեր տեղեկություններով, քննարկվում է «Գռզո» մականունով պատգամավորի դեմ պատժամիջոցների հարցը, կարող են կոչ անել բոյկոտել նրան պատկանող բիզնեսներն ու ձեռնարկությունները՝ փող սիրող քպականին փողից զրկելու, տնտեսապես վնասելու համար։
Էլեն Հարությունյան
