Փաշինյանի քաղաքականությունը վնասել է մի ամբողջ ոլորտի
Հասարակություն
Հայաստանը լրջագույն դեմոգրաֆիական խնդրի առաջ է կանգնել, որն ազդում է ոչ միայն քաղաքի բնակչության ընդհանուր թվի, այլ նաև որոշ բիզնեսների վրա։ Մեր տեղեկություններով, արդեն այս տարի զգալի նվազել են ամուսնությունները, ամուսնական արարողությունները, և, բնականաբար, տուժում են բոլոր այն ենթակառուցվածքները, որոնք սպասարկում են ամուսնական արարողություններին, մեզ հետ զրույցում բողոքում են թե ռեստորանները և թե սպասարկող տարբեր ենթակառուցվածքներ, այդ թվում ֆոտոնկարահանողները, հարսանյաց արարողություններ կազմակերպող ծառայությունները։
Ամանորյա տոներից հետո սովորաբար այս ոլորտը զգալի աշխուժանում էր, հիմա համարյա գրեթե զրոյական վիճակ է, և սա գաղտնիք չէ։ Ընդ որում, պատճառը Նիկոլ Փաշինյանի քաղաքականությունն է, երբ գրեթե 5000 երիտասարդ զոհվեց 44-օրյա պատերազմում։
Երկիրը լուրջ խնդիրների առջև է կանգնած, շատերը պետք է արդեն ամուսնանային, նշանվեին, բայց ողջ ինդուստրիան կոլապսի մեջ է։ Հարսանյաց հանդեսները նվազել են, մեծ ու փոքր սրահներն օրեր շարունակ գործ չեն կարողանում անել, և բիզնեսն աստիճանաբար նվազում ու տակ է տալիս, մի շարք հարակից ծառայություններ ընդհուպ մտածում են փակվելու մասին։
Նելլի Առուստամյան
