Հայաստանի քաղաքացին պարտավոր է հասկանալ, որ հայ-ռուսական հարաբերությունները պաշտպանելով՝ նա պաշտպանում է իր պետությունը. Մհեր Ավետիսյան
Քաղաքականություն
Հայաստանի Հանրապետության միակ սեփականատերը Հայաստանի քաղաքացին է, և Հայաստանի քաղաքացին պարտավոր է գիտակցել, որ այսօր Հայաստանը պաշտպանելը, Հայաստանի անկախությունը պաշտպանելը նշանակում է պաշտպանել հայ-ռուսական հարաբերությունները։
Հայաստանի քաղաքացին պարտավոր է հասկանալ, որ հայ-ռուսական հարաբերությունները պաշտպանելով՝ նա պաշտպանում է իր պետությունը և պետք է ամեն գնով թույլ չտա, որ ներսից կամ դրսից տարբեր արկածախնդիրներ փորձեն խաթարել հայ-ռուսական հարաբերությունները, թուլացնել Հայաստանի պաշտպանունակությունը կամ քանդել Հայաստանի անվտանգության ճարտարապետությունը։
Սա կոնկրետ և գործնական երկրորդ քայլն է, որի արդյունքում Հայաստանի անվտանգությունը կապահովվի։ Այսինքն՝ Հայաստանի քաղաքացին, նախքան գործնական քայլեր պահանջելը, պետք է ինքը հասկանա, որ ամենակարևոր գործնական քայլը դա է, որ նա գիտակցում է՝ պետք է պաշտպանել հայ-ռուսական հարաբերությունները։
Շարունակելի...
