Եվրոպայում էլեկտրաէներգիայի գինն ընկել է զրոյից ցածր

Պարզ և արևոտ եղանակը նպաստել է արևային էներգիայի արտադրության աճին Եվրոպայի որոշ մասերում։ Սա հանգեցրել է նրան, որ էլեկտրաէներգիայի գները երկար ժամանակահատվածներում, մոտավորապես կեսօրին, ընկել են զրոյից ցածր, գրում է Bloomberg-ը։ Մարտի 19-ին Գերմանիայում, Ֆրանսիայում, Նիդեռլանդներում և Լեհաստանում էլեկտրաէներգիայի գները բացասական են եղել չորս ժամվա ընթացքում։

Գերմանիայում արևային էներգիայի արտադրության գագաթնակետը, ըստ գործակալության տվյալների, հասել է գրեթե 44 ԳՎտ-ի, ինչը մոտ է այս տարվա ամենաբարձր ցուցանիշին։ Ֆրանսիայում արևային էներգիայի արտադրությունը նախորդ օրը աճել է մինչև 16,6 ԳՎտ, վկայում են RTE ցանցի օպերատորի տվյալները։

Ավելի վաղ Bloomberg-ը գրել էր, որ Գերմանիայում էլեկտրաէներգիայի գները 2025 թվականի առաջին առևտրային օրը ընկել են զրոյից ցածր։ Հունվարի 2-ի գիշերը հողմային էներգիայի արտադրությունը հասել է 40 ԳՎտ-ի, ինչը զգալիորեն գերազանցել է պահանջարկը։

Էլեկտրաէներգիայի բացասական գները աճել են այս տարվա մարտին՝ համեմատած նախորդ տարվա նույն ժամանակահատվածի հետ, քանի որ ցանց է մտնում ավելի շատ արևային էներգիա, որը գերազանցում է պահանջարկը։

Եվրոպայի ցանցային ենթակառուցվածքը չի կարողանում կլանել լրացուցիչ արևային էներգիա։ Սա, գրում է գործակալությունը, կարող է հանգեցնել բացասական գների ժամանակահատվածների աճի՝ հունիս և հուլիս ամիսներին արևային էներգիայի գագաթնակետային արտադրության ժամանակ, ինչպես նաև` հաջորդ տարի։
Վերջին տարիներին Եվրոպայում նկատվել է արևային էներգիայի արտադրության աճ՝ բնական գազի գների աճի և արևային վահանակների ծախսերի նվազման պատճառով։ Գերմանիան նախատեսում է այս տարի ավելացնել ռեկորդային 17 ԳՎտ արևային էներգիա և շարունակել ավելացնել տարեկան հզորությունները` առնվազն մինչև 2030 թվականը։

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055