Գտնվել է արևային մարտկոցների օգտագործման անսովոր ձև. որտե՞ղ են ցանկանում տեղադրել դրանք

Գերմանական ավիատիեզերական կենտրոնի (DLR) գիտնականների գլխավորած հետազոտական ​​խումբն առաջարկել է օգտագործել ֆոտոգալվանային վահանակներ զբոսաշրջային նավերի նավախցիկների վրա, որպեսզի էլեկտրաէներգիա մատակարարվի կոմունալ ծառայություններին: Այս մասին գրում է pv ամսագիրը, գրում է focus.ua–ն։

Նախագծի համաձայն յուրաքանչյուր նավախցիկի պատշգամբում տեղադրվում է 250 Վտ հզորությամբ և 22 % արդյունավետությամբ երկու պանել։ Մեկը պետք է տեղադրվի ապակե պատշգամբի պատնեշի մեջ 90 աստիճան անկյան տակ, իսկ մյուսը պետք է ամրացվի 30 աստիճանի անկյան տակ՝ պատշգամբի տակ և տախտակամածների միջև:

«Առաջարկվող ցածրավոլտ DC բաշխիչ ցանցը հիմնված է երկու լարման մակարդակների վրա՝ 700 Վ և 350 Վ։ 700 Վ–ոց ցանցը, սկսվում է շարժիչային սենյակից, համարվում է հիմնական ցածր լարման բաշխումը և էներգիա է մատակարարում նավի հրդեհավտանգ բոլոր գոտիներին»,- պարզաբանել են գիտնականները։

Ընդհանուր առմամբ, գիտնականներն առաջարկել են արևային մարտկոցների ինտեգրման երեք մոտեցում: Իդեալական տարբերակը գտնելու համար նրանք նմանակել են նավարկությունները Կարիբյան ավազանում և Նորվեգիայի ու Դանիայի ափերի երկայնքով և ներկայացրել համակարգի բնութագրերը։

Առաջին տարբերակում արևային մոդուլները միացված են 48 Վ լարման ցանցին: Երկրորդ տարբերակը ներառում է միացում 350 Վ բաշխիչ ցանցին: Երրորդ տարբերակով մարտկոցները միացվում են 700 վ–ոց առաջնային ցանցին:

Բոլոր տարբերակները համեմատելուց հետո հետազոտողները պարզել են, որ երրորդ տարբերակն ունի 2-3 % ավելի մեծ փոխակերպման կորուստներ, քան մյուս երկուսը: Քանի որ 350 Վ–ոց բաշխիչ ցանցն ավելի ապահով է, քան 700 Վ–ոց ցանցի առաջարկը, ինչպես նաև ավելի էժան և ավելի քիչ սպասարկում պահանջող, քան նավախցային համակարգը, պարզվել է, որ դա է օպտիմալ լուծումը:

«Կարիբյան նավարկության համար 45 % ինքնաբավության ցուցանիշները և Նորվեգական ծովով նավարկության համար 47 %-ը ցույց են տալիս էներգախնայողության զգալի ներուժ: Եթե այս արժեքները վերցվեն Helios դասի ամբողջ նավի համար, ապա միջինը 3,2 ՄՎտժ խնայողություն կարելի է հասնել համապատասխանաբար 3,8 ՄՎտժ օրական ծախսերի դեպքում», - եզրակացրել են հետազոտության հեղինակները:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ Info@solaron.am