Ինչու՞ է Թրամփը 100 օր ժամանակ տվել ռուս-ուկրաինական պատերազմն ավարտելու համար
Քաղաքականություն
ԱՄՆ նախագահ Դոնալդ Թրամփը մտադիր է 100 օրվա ընթացքում լուծել ուկրաինական հակամարտությունը, որպեսզի նվազագույնի հասցնի իր քաղաքական հակառակորդների դիմադրությունը։ Այս մասին RT-ին հայտնել է Ռազմական գիտությունների ակադեմիայի թղթակից անդամ Սերգեյ Սուդակովը։
Նա բացատրել է, որ Ամերիկայում ավանդույթ կա, ըստ որի՝ եկող նախագահը սկսում է «100-օրյա մեղրամիս»։ Այս պահին կողմերը (նախագահն ու նրա ընդդիմախոսները - խմբ․) միմյանց վրա չեն «հարձակվում»։ Վերլուծաբանը նշել է, որ սա լավագույն ժամանակն է արտաքին քաղաքական հիմնական խնդիրների համար, երբ պետության նոր ղեկավարի գործերին չեն միջամտում, և նա ավելի ազատ է իր գործողություններում։
Սակայն Սուդակովը կարծում է, որ 100 օրը կարող է բավարար չլինել նման ծրագրերի համար։ Նա հավելել է, որ ուկրաինական հակամարտության լուծումը Թրամփի համար կարևոր խնդիր է, բայց ոչ առաջնահերթություն։
Ավելի վաղ հայտնել ենք, որ Թրամփը Ուկրաինայի հարցով իր հատուկ բանագնաց Քիթ Քելլոգին հանձնարարել է 100 օրվա ընթացքում դադարեցնել ուկրաինական հակամարտությունը։
