Սուրբ Ծնունդը հիշեցնում է այն սիրո և հանդուրժողականության մասին, որոնք պետք է լինեն մեր կյանքի հիմքում․ Արման Վարդանյան
Հասարակություն
«Միասնություն» շարժման ղեկավար Արման Վարդանյանն իր ֆեյսբուքյան էջում գրել է․
«Սիրելի’ հայ ժողովուրդ, շնորհավորում եմ բոլորիս Սուրբ Ծննդյան տոնի կապակցությամբ։
Սուրբ Ծնունդը համախմբում է աշխարհի բոլոր քրիստոնյաներին ու հիշեցնում այն սիրո և հանդուրժողականության մասին, որոնք պետք է լինեն մեր կյանքի հիմքում: Այն նաև խթանում է մեր հոգևոր եւ ընտանեկան արժեքների մասին խորհելը՝ սերմանելով համբերություն, ներողամտություն, զորեղ հավատ, միմյանց հանդեպ սեր եւ բարի վերաբերմունք:
Սիրելի՛ հայ ժողովուրդ, թող այս տոնը խաղաղություն բերի մեր երկրին: Աստված պահապան մեր հայ ազգին եւ Հայաստանի Հանրապետությանը:
Քրիստոս ծնավ եւ հայտնեցավ. Ձեզ եւ Մեզ մեծ ավետիս»։
