Թոփ 5 ընդհանուր սխալներն արևային մարտկոցների տեղադրման ժամանակ և ինչպես խուսափել դրանցից

Երբ խոսքը վերաբերում է էներգիայի ծախսերը կրճատելուն, ապա արևային մարտկոցները գումար խնայելու հիանալի միջոց են: Համակարգերի մեծ մասը մաքուր, անվճար էներգիա է ապահովում 20 տարի, բայց միայն այն դեպքում, եթե դրանք ճիշտ տեղադրվեն, գրում է focus.ua-ն:

Ցավոք, ոչ բոլոր համակարգերն են ճիշտ տեղադրվում, քանի որ ընկերությունները երբեմն վարձում են մարդկանց, ովքեր բավարար չեն տիրապետում հաճախորդի կարիքներին, կապի կոնֆիգուրացիաներին կամ ապրանքներին: Բացի այդ, ոչ բոլոր տեղադրողներն են լրացուցիչ ժամանակ ծախսում աշխատանքը ճիշտ կատարելու և արևային էներգիայի համակարգը պատշաճ կերպով տեղադրելու համար: Luvsolar ընկերությունը նշել է տարածված սխալները, որոնք լինում են արևային մարտկոցներ տեղադրելիս։

1. Վահանակների տեղադրում ստվերում

Արևային մարտկոցները իրար հաջորդաբար միացված են Սուրբ Ծննդյան լույսերի նման «շղթայով», և եթե մի լույսն այրվի, մյուսները նույնպես շուտով կդադարեն աշխատել: Նույնը կարող է լինել, եթե արևային էլեկտրակայանը (ԱԷԿ) տեղադրվի մասնակի ստվերում։ Թեև ստվերավորված վահանակները որոշակի հզորություն կարտադրեն, բայց դրանք նաև կսահմանափակեն հոսանքը, որը կարող են մատակարարել մնացած չստվերված վահանակները: Եթե ​​մեկ կամ երկու վահանակի վրա փոքր ստվեր է ընկնում, ապա բացասական ազդեցությունը կարող է շատ ավելի մեծ լինել, քան դուք կարող եք մտածել:

Լուծումը ողջ տարվա ընթացքում արված նկարներով տանիքը, ճակատը կամ պատշգամբն ուշադիր ստուգելն է, քանի որ ստվերային նախշերը փոխվում են: Կարելի է նաև տեղում ստվերային ստուգում անցկացնել հրավիրելով մասնագետի։

Եթե ​​ստվերից անհնար է խուսափել, կան տեխնոլոգիական լուծումներ, ինչպիսիք են միկրոինվերտորները և DC օպտիմիզատորները, որոնք թույլ չեն տա մեկ ստվերային վահանակին սահմանափակել ամբողջ համակարգի ելքը:

2. Անբավարար թվով վահանակներ անընդմեջ

Վերևում նշվեց, որ արևային մարտկոցները տեղադրվում են անընդմեջ, ուստի յուրաքանչյուր վահանակի լարումն ավելացվում է, որպեսզի ստացվի շարքի ընդհանուր լարումը։ Օրինակ, եթե անընդմեջ կան 8 հատ 40 վոլտանոց վահանակներ, ապա ամբողջ շարքը կմատակարարի 320 վոլտ:

Շատերը չգիտեն, որ արևային մարտկոցները տաքանալիս կորցնում են լարումը, և արևային ինվերտորները միացնելու համար պահանջում են որոշակի նվազագույն լարում: Շատ շոգ օրերին սովորական 8 վահանակները կարող են արտադրել միայն 275 վոլտ: Դա կարող է խնդիր դառնալ, եթե շարքը շատ կարճ է, քանի որ արևային ինվերտորը կարող է չակտիվանալ և չվերափոխել արևային էլեկտրակայանից ստացվող էներգիան տան սարքերը սնուցելու համար:

Լուծումը: Կապվեք արևային վահանակների տեղադրողի հետ, ով ունի համակարգերի ճիշտ նախագծման փորձ: Մատակարարը պետք է ապահովի, որ համակարգը նախագծված լինի էլեկտրաէներգիա արտադրելու համար անգամ տարվա ամենաշոգ սպասվող օրը, և որ համակարգի լարումը միշտ լինի ճիշտ միջակայքում: Այսպիսով, արևային էլեկտրակայանը միշտ էլ էլեկտրաէներգիա կարտադրի՝ անկախ եղանակային պայմաններից։

3. Որակյալ սարքավորումներ չօգտագործելը

Ցավոք սրտի, արևային համակարգերի ծախսերի մի մասը գալիս է էժան արևային մարտկոցների և ինվերտորների օգտագործումից: Հեղինակավոր արտադրողներն իրենց արտադրանքը ենթարկում են կյանքի ցիկլի խիստ փորձարկումների երրորդ կողմի ինժեներական ընկերությունների կողմից: Այդ ընկերությունները փորձարկում են վահանակները՝ անկախ արտադրողից: Նպատակը գնորդին վստահություն տալն է, որ արևային մարտկոցի հզորությունը կպահպանվի իր ողջ կյանքի ընթացքում:

Այդ թեստերից մի քանիսը ներառում են՝ կարկտահարություն, տաքացում և արագ սառեցում մինչև 800 անգամ, ծայրահեղ խոնավության փորձարկում, ջրի մեջ ընկղմում, կարճ միացման փորձարկում և այլն:

Համակարգի կոնֆիգուրացիաներից շատերն ունեն միայն մեկ ինվերտոր, ուստի շատ կարևոր է, որ այն հուսալի լինի: Որպես կանոն, ինվերտորի (և արևային էլեկտրակայանի) նկատմամբ վստահ լինելու լավագույն միջոցը երաշխիքային ժամկետն է։ Ստանդարտը հինգ տարի է, բայց որակյալ արտադրողները կտրամադրեն անգամ 10 տարվա երաշխիք:

4. Համակարգի մոնիտորինգը կազմաձևված չէ

Ժամանակակից արևային համակարգերի մեծ մասը կարող է կազմաձևվել այնպես, որ կատարողականի ցուցանիշները հեշտությամբ տեսանելի լինեն սմարթֆոնի, պլանշետի կամ համակարգչի վրա:

Արևային տեխնոլոգիայի ամենաէժան լուծումը միշտ չէ, որ լավագույնն է: Որոշները փորձում են իջեցնել գներն առաջարկելով էժան սարքավորումներ, որոնք փորձարկվել են հենց արտադրողի կողմից, բայց ոչ երրորդ կողմի կողմից: Այլ դեպքերում դա վատ դիզայնն ու տեղադրում է:

Լուծումը: Համակարգի մոնիտորինգն այնքան կարևոր է, որ օգտվողները կարող են հեշտությամբ ստուգել, ​​որ համակարգն արտադրում է այն, ինչ պետք է, և որ նրանք ստանում են իրենց ներդրումների առավելագույն վերադարձը:

5. Անհավասարակշռված արեգակնային էներգիան ըստ փուլերի

Դա կարող է տեղի ունենալ միայն այն դեպքում, եթե օգտագործողն ունի եռաֆազ էներգիայի աղբյուր: Կարևոր է հասկանալ միաֆազ և եռաֆազ հզորության տարբերությունը: Եթե ​​հաճախորդն ունի եռաֆազ հոսանք, ապա կարևոր է, որ արևային տեղադրող ընկերությունը պարզի, թե որ ֆազին որ սարքերն են միացված:

Իդեալում, հաճախորդը կօգտագործի նույն հզորությունը բոլոր փուլերում, ուստի եռաֆազ ինվերտորը, որը հավասարակշռում է հզորությունը երեք փուլերում, լավագույն լուծումն է: Բայց, եթե կա մեկ մեծ միաֆազ սարք, որն օրվա ընթացքում շատ էներգիա է օգտագործում, օրինակ միաֆազ օդորակիչը, ապա կարող է ձեռնտու լինել միայն այդ ֆազի համար ստանալ արևային էներգիա:

Լուծումը: Արժե համոզվել, որ ձեր էներգետիկ խորհրդատուն գիտի տարբերությունը և կարող է խորհուրդներ տալ անհատական ​​կարիքների համար հարմարեցված լավագույն համակարգի վերաբերյալ:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]