Հռոմի պապի «կանաչ ծրագրերը». Վատիկանում տեղադրում են արևային վահանակներ

Հռոմի պապ Ֆրանցիսկոսը հունիսին ներկայացրել էր վերականգնվող էներգիայի աղբյուրների անցման ծրագրերը: Պապը խոստացել էր, որ շուտով Վատիկանի բոլոր էներգետիկ կարիքները կկատարվեն արևային էներգիայով: Վատիկանն սկսել է իր «կանաչ նախագիծը» և Հռոմի պապի վերականգնվող էներգիայի աղբյուրների անցման ծրագրերը: Տեղական թանգարանի տանիքին տեղադրել են արևային պանելներ: Այդ առիթով նույնիսկ կազմակերպել են հանդիսավոր արարողություն:

Իտալական ACEA ընկերությունն ընդամենը վեց ամսվա ընթացքում պատրաստել է ֆոտոէլեկտրական տարրերից բաղկացած ծածկույթ Կորացցեի մուտքի տանիքի համար: «Ամենադժվարը ֆոտոէլեկտրական ենթակառուցվածքի տեղադրման վայրը գտնելն է և այն արդեն կառուցված տարածքներում ինտեգրելը», - պարզաբանել է ACEA-ի ղեկավար Բարբարա Մարինալին. «Սա օրինակելի օրինակ է, թե ինչպես կարելի է նախագծել և կառուցել համակարգ, որը ինտեգրվում է արդեն գոյություն ունեցող ենթակառուցվածքին»:

Արևային էներգիայի անցնելու իր ցանկությունը Հռոմի պապ Ֆրանցիսկոսը ներկայացրել է հունիսի իր «Արև եղբայր» նամակում: Նամակում նա նշել է, որ Վատիկանի սահմաններից դուրս գտնվող տարածքում կտեղադրվեն արևային վահանակներ, և դրանցից ստացված էներգիան կկարողանա լրացնել քաղաք-պետության բոլոր էներգետիկ կարիքները: «Հարկավոր է անցնել կայուն զարգացման մոդելին, որը նախատեսում է ջերմոցային գազերի արտանետումների կրճատում և ուղղված է կլիմայական չեզոքությանը», - գրել է պապը. «Մարդկությունն ունի տեխնոլոգիական միջոցներ այս էկոլոգիական փոխակերպմանը դիմակայելու և դրա վնասակար էթիկական, սոցիալական, տնտեսական և քաղաքական հետևանքները լուծելու համար, և արևային էներգիան այս լուծումների մեջ հիմնարար դեր է խաղում»:

Հռոմի պապ Ֆրանցիսկոսն իր դիրքորոշումը կլիմայական ճգնաժամի վերաբերյալ արտահայտել է դեռևս 2015 թվականին՝ նշելով «մոլորակի ապագայի» շուրջ երկխոսությունը վերսկսելու անհրաժեշտությունը:

2022 թվականի հուլիսին Վատիկանն ավելացել է ՄԱԿ-ի կլիմայի փոփոխության շրջանակային կոնվենցիային՝ երկրների միջև համաձայնագիր, որն ուղղված է «կլիմայական համակարգի գործառույթում վտանգավոր անտրոպոգեն միջամտության» դեմ պայքարին: Վատիկանը, ինչպես նաև Ալբանիան, Բութանը, Նեպալը, Պարագվայը, Իսլանդիան, Եթովպիան և Կոնգոյի Դեմոկրատական Հանրապետությունը, պարտավորվել են արտադրել 100 % էլեկտրաէներգիա վերականգնվող աղբյուրներից։

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]