Երբ են բացվելու բուհերն ու ում հաշվին են բուժվելու կորոնավիրուսով վարակված օտարերկրացիները. Պարզաբանում է պարետը
Բուհերում ուսուցման վերաբերյալ հիմնական մոդելը, որը քննարկվում է, հիբրիդային տարբերակն է, ինչը ենթադրում է և՛ առկա, և՛ հեռավար ուսուցման եղանակներ: Նախնական տարբերակով, դասերը վերսկսվելու են սեպտեմբերի 1-15-ի շրջակայքում, սակայն վերջնական որոշումը կկայացվի բուհերի հետ քննարկումների արդյունքում: Այս մասին կառավարության նիստում հայտարարեց պարետ Տիգրան Ավինյանը:
Ավինյանը խոսեց նաև այն օտարերկրացիների մասին, որոնց մոտ Հայաստան ժամանելուց հետո կորոնավիրուս կհայտնաբերվի: Նա մասնավորապես ասաց, որ վերջիններս ևս նախնական որոշման համաձայն, կբուժվեն անվճար:
Հիշեցնենք, որ արտակարգ դրության նոր ժամկետում օտարերկրացիներն այսուհետ կկարողանան մուտք գործել Հայաստան:
